Minor Rape Case : বাক্সাৰ বৰবৰীত দুটাকৈ জঘন্য ধৰ্ষণকাণ্ড

দুটাকৈ ধৰ্ষণ কাণ্ডই জোকাৰি গৈছে বাক্সা ৷ এগৰাকী ১২ বছৰীয়া আৰু ১৬ বছৰীয়া নাবালিকা ধৰ্ষণৰ বলি হ’ল বিবাহিত পুৰুষৰ ৷

বাক্সা, 2 আগষ্ট : দুটাকৈ ধৰ্ষণ কাণ্ডই জোকাৰি গৈছে বাক্সাৰ বৰবৰী ৷ এগৰাকী 12 বছৰীয়া নাবালিকাক ধৰ্ষণ কৰি ৰঙা ঘৰৰ আলহী হল এগৰাকী বিবাহিত পুৰুষ ৷ বাক্সা জিলাৰ বৰবৰী আৰক্ষী থানাৰ চন্দ্ৰপুৰত সংঘটিত হৈছে এই শিহৰণকাৰী ধৰ্ষণ কাণ্ড ৷

নাবালিকা গৰাকীৰ পিতৃ-মাতৃয়ে জানিবলৈ দিয়া মতে মাতৃ গৈছিল পাঠশালালৈ সকাম খাবলৈ ৷ দিন হাজিৰা কৰা পিতৃ দেওবাৰে গৈছিল কামলৈ ৷ সেই সময়তে অকলে থকাৰ সুযোগ গ্ৰহণ কৰি গকুল দাস নামৰ এটা দুৰ্বৃত্তই পানী খোৱাৰ চলেৰে ঘৰৰ ভিতৰলৈ মাতি আনি মুখত সোপা দি নাবালিকা গৰাকীক উপৰ্যুপৰি ধৰ্ষণ কৰি পলাই যায় ৷ পিছত মাতৃ ঘৰলৈ অহাত বাৰ বছৰীয়া নাবালিকা গৰাকীয়ে সকলো কথা বিৱৰি কোৱাত ভুক্তভোগী নাবালিকাৰ পৰিয়াল বুধবাৰে কাষ চাপে বৰবৰী আৰক্ষীৰ ৷ নাবালিকা গৰাকীৰ পৰিয়ালৰ এজাহাৰৰ ভিত্তিত আৰক্ষীয়ে কৰায়ত্ত কৰে ধৰ্ষণকাৰী গকুল দাসক ৷

লগতে পঢ়ক :Triple Murder : আকৌ ত্ৰিপল মাৰ্ডাৰ; পুত্ৰ কন্যাসহ মাতৃক ডিঙি কাটি হত্যা

ইফালে বৰবৰী আৰক্ষী থানাৰ ন-বস্তিত সংঘটিত হৈছে আন এক জঘন্য ধৰ্ষণ কাণ্ড ৷ ন-বস্তিৰ সোণ বৈশ্য নামৰ বিবাহিত পুৰুষজনে একে গাঁৱৰে 16 বছৰীয়া কিশোৰী এগৰাকীক চল-চাতুৰিৰে গুৱাহাটীৰ এখন হোটেললৈ নি নিশাটো ধৰ্ষণ কৰে ৷ দেওবাৰে পুৱা গুৱাহাটীৰ পৰা পলাই ঘৰত উপস্থিত হয় ষোল্ল বছৰীয়া কিশোৰীগৰাকী ৷

বুধবাৰে ভুক্তভোগী কিশোৰীগৰাকী আৰু পৰিয়ালৰ লোক বৰবৰী আৰক্ষী থানাত উপস্থিত হৈ ধৰ্ষণকাৰী সোণ বৈশ্যৰ বিৰুদ্ধে গোচৰ ৰুজু কৰে ৷ সম্প্ৰতি পলাতক অৱস্থাত আছে সোণ বৈশ্য নামৰ লম্পটটো ৷ উল্লেখ্য যে, তিনিবাৰকৈ বিবাহপাশত আৱদ্ধ হোৱা সোণ বৈশ্যৰ আছে পুত্ৰ-কন্যা, নাতি-পুতি ৷

লগতে পঢ়ক :Child marriage in Nalbari:আৰক্ষীৰ বাল্য বিবাহ বিৰোধী অভিযানত আটক এজন