বাক্সা, 4 অক্টোবৰঃ শুকুৰবাৰৰ পৰা দৰ্শনাৰ্থী তথা পৰ্যটকৰ বাবে আনুষ্ঠিক ভাৱে মুকলি কৰা হয় বাক্সা জিলাৰ বিশ্ব ঐতিহ্য ক্ষেত্ৰ মানাহ ৰাষ্ট্ৰীয় উদ্যানৰখনৰ বাঁহবাৰী ৰেঞ্জৰ দ্বিতীয় প্ৰৱেশ দ্বাৰ ৷ বিটিচিৰ উপ মুখ্য কাৰ্যবাহী সদস্য খাম্ফা বৰগয়াৰীয়ে পুৱা 9 বজাত মুকলি কৰে বাঁহবাৰী ৰেঞ্জৰ দ্বিতীয় প্ৰৱেশ দ্বাৰ ।
ইতিমধ্যে উদ্যানখনত অনুষ্ঠিত হৈ আছে 65 সংখ্যক বন্যপ্ৰাণী সপ্তাহ ৷ 1 অক্টোবৰৰ পৰা 7 অক্টোবৰলৈ চলিবলগীয়া 65 সংখ্যক বন্যপ্ৰাণী সপ্তাহটোৰ আজি চতুৰ্থটো দিন ।
যোৱা 2018-19 বিত্তীয় বৰ্ষত উদ্যানখনত দেশ-বিদেশৰ পৰা আহিছিল মুঠ 42988 গৰাকী পৰ্যটক ৷ ইয়াৰে 42,329 গৰাকী দেশীয় আৰু 659 গৰাকী আছিল বিদেশী পৰ্যটক । যাৰ পৰা উদ্যান খনে লাভ কৰিছিল মুঠ 1,06,63,500 টকাৰ ৰাজহ । ইয়াৰে ভিতৰত দেশৰ পৰ্যটকৰ পৰা 93,58,497 টকা, বিদেশী পৰ্যটকৰ পৰা 6, 24,428 টকা লাভ কৰিছিল আৰু চুবুৰীয়া ভূটানৰ যান-বাহনৰ পৰা উদ্যান কৰ্তৃপক্ষই লাভ কৰিছিল 6,80,575 টকা ।