বাক্সা, 17 জুন : বুধবাৰে বাক্সাৰ তামুলপুৰত উপস্থিত হ'ল শিক্ষা, স্বাস্থ্য আৰু বিত্তমন্ত্ৰী তথা নেডাৰ আহ্বায়ক হিমন্ত বিশ্ব শৰ্মা ৷ সংবাদমাধ্যমৰ সৈতে মুখামুখিত ভাৰতীয় জনতা পাৰ্টীয়ে চাৰিটা বছৰ অতিক্ৰম কৰি পঞ্চম বৰ্ষত ভৰি দিয়াৰ প্ৰসংগ উল্লেখ কৰে । নৰেন্দ্ৰ মোডীৰ ডাঙৰীয়াৰ নেতৃত্বত উত্তৰ-পূৰ্বাঞ্চলক ভাৰতবৰ্ষৰ ভিতৰতে মুখ্য ধাৰাত সন্নিৱিষ্ট কৰিব পৰা যায় বুলি উল্লেখ কৰে হিমন্ত বিশ্ব শৰ্মাই ।
ত্ৰিপুৰাৰ পৰা অৰুণাচললৈ ৰাষ্ট্ৰীয় ঘাই পথ সংযুক্ত কৰি আৰু বিভিন্ন এইমচ,নুমলীগড় শোধানাগাৰ সংমিশ্ৰণ কৰি ভাৰতবৰ্ষৰ ভিতৰত অষ্ঠলক্ষ্মী প্ৰতিস্থাপন কৰিব পাৰি বুলি সংবাদ মাধ্যমক জনায় মন্ত্ৰীগৰাকীয়ে । অসমৰ সৰ্বানন্দ সোণোৱাল চৰকাৰখনে বিভিন্ন দুৰ্যোগত সন্মুখৰ পৰা নেতৃত্ব দি ৰাইজৰ আশা-আকাংক্ষা সমাধান কৰিবলৈ সক্ষম হৈছে । আনহাতে, অসমৰ প্ৰতিটো সমষ্টিত দহজনকৈ লোকৰ ঘৰলৈ যোৱাৰ সিদ্ধান্ত লোৱা বুলি জানিবলৈ দিয়ে হিমন্ত বিশ্ব শৰ্মাই । লগতে ৰাজ্যত কৰ'ণা ভাইৰাছ মহামাৰীৰ বাবে কোনো ৰাজনৈতিক দলৰ মন্ত্ৰী-বিধায়কক পদত্যাগ নকৰিবলৈ আহ্বান জনায় মন্ত্ৰীজনে ।
উল্লেখ্য যে, মন্ত্ৰী হিমন্ত বিশ্ব শৰ্মাই বিধানসভা সমষ্টিৰ বিটিচি পৰিষদীয় সমষ্টি গয়বাৰী আৰু ২৬ নং দৰঙাজুলী পৰিষদীয় সমষ্টি পৰিভ্ৰমণ কৰা পৰিলক্ষিত হয় । মন্ত্ৰী হিমন্ত বিশ্ব শৰ্মাক সংগ দিয়ে তামুলপুৰৰ বিধায়ক ইমানুৱেল মুছাহাৰীয়ে ।
লগতে পঢ়ক :ভাৰতীয় বায়ুসেনাৰ গ্ৰুপ কামাণ্ডাৰ(অৱসৰপ্ৰাপ্ত) মহন্ত পাংগিঙৰ সৈতে ইটিভি ভাৰতৰ বিশেষ সাক্ষাৎকাৰ