বাঢ়নী পানীয়ে ভাবুকি কঢ়িয়াইছে বৰমাৰ মৰা পাগলদিয়া নৈ বান্ধলৈ

বাক্সা জিলা উপায়ুক্ত ৰঞ্জন শৰ্মা, অতিৰিক্ত উপায়ুক্ত ছাইফুদৌলা খান, বৰমা ৰাজহ চক্ৰ বিষয়া মৃণাল হালৈকে ধৰি কেইবাজনো বিষয়ববীয়াই শনিবাৰে পৰিদৰ্শন কৰে অঞ্চলটো ৷

বৰমা, 28 জুন : বাক্সা জিলাৰ বৰমাত মৰা পাগলদিয়া নদীৰ বাঢ়নী পানীয়ে অঞ্চলটোত তীব্ৰ ভাবুকিৰ সৃষ্টি কৰিছে ৷ শুকুৰবাৰে নিশাৰে পৰা হোৱা নেৰানেপেৰা বৰষুণৰ ফলত ক্ৰমাৎ বৃদ্ধি পাব ধৰিছে নদীখনৰ জলস্তৰ ৷ নদীৰ জলস্তৰে ভাবুকি কঢ়িয়াই আনিছে মৰা পাগলদিয়া নৈৰ বান্ধলৈ ৷ ইতিমধ্যে জিলাখনৰ আলাগজা, কালজাৰ, জাৰিপাৰা, চাৰাংপাৰাত বান্ধৰ ওপৰেৰে বৈছে পানী ৷ স্থানীয় ৰাইজে গছৰ ডাল, বাঁহ আদিৰে বান্ধ ভেটা দি পানী ৰোধৰ চেষ্টা অব্যাহত ৰাখিছে ৷

বাক্সা জিলা উপায়ুক্ত ৰঞ্জন শৰ্মা, অতিৰিক্ত উপায়ুক্ত ছাইফুদৌলা খান, বৰমা ৰাজহ চক্ৰ বিষয়া মৃণাল হালৈকে ধৰি কেইবাজনো বিষয়ববীয়াই শনিবাৰে অঞ্চলটো পৰিদৰ্শন কৰে ৷ বান্ধটো নাভাঙিবলৈ সকলো ব্যৱস্থা গ্ৰহণ কৰাৰ আশ্বাস দিয়ে অতিৰিক্ত উপায়ুক্ত চাইফুদৌলাহ খানে ৷

লগতে পঢ়ক: আজি ১১ বজাত সম্প্ৰচাৰ হ'ব প্ৰধানমন্ত্ৰীৰ "মন কি বাত"