বাক্সা, 26 অক্টোবৰ:শনিবাৰে বাক্সা জিলাৰ বৰিমাখাত মুছলপুৰ ব্লক বি পি এফৰ অন্তৰ্গত প্ৰাইমাৰী সমিতিৰ মাজত অনুষ্ঠিত হয় প্ৰাইজমানি ফুটবল প্ৰতিযোগিতাৰ ফাইনেল মেচ ৷ চূড়ান্ত মেচখনত ভোগপুৰ প্ৰাইমাৰী সমিতিয়ে খাৰুৱাজান প্ৰাইমাৰী কমিতিক ট্ৰাইবেকাৰত 6-4 গ'লৰ ব্যৱধানত পৰাস্ত কৰি খিতাপ দখল কৰিবলৈ সক্ষম হয় ৷
তীব্ৰ উত্তেজনাপূৰ্ণ খেলখনত নিৰ্ধাৰিত সময় লৈকে দুয়োটা দলৰ মাজত 1-1গ’লত ড্ৰ‘ হোৱাত চূড়ান্ত বিজয়ী নিশ্চিত কৰিবলৈ ট্ৰাইবেকাৰৰ সহায় ল’বলগীয়া হয় ৷ পিচত ট্ৰাইবেকাৰত ভোগপুৰ প্ৰাইমাৰী কমিতিয়ে বিজয়ী হৈ ট্ৰফী সহ 70,000 টকা লাভ কৰে ৷ বুদ্ধ বসুমতাৰীয়ে পৰিচালনা কৰা ফাইনেল খেলখনত বৰমা সমষ্টিৰ বিধায়ক মনেশ্বৰ ব্ৰহ্মৰ লগতে উপস্থিত থাকে বিটিচিৰ ই এম অনচুমৈ খুংগুৰ বড়ো,বিপিএফৰ কেন্দ্ৰীয় সম্পাদক ৰমেশ চন্দ্ৰ দাস ৷