পুঠিমাৰী নৈৰ বাঢ়নী পানী আৰু গৰাখহনীয়াই ভেটি মাটি উচন বহুকেইটা পৰিয়ালৰ

তামুলপুৰ মহকুমাৰ গোৰেশ্বৰ ৰাজহ চক্ৰৰ ২নং বেটাগাঁওত পুঠিমাৰী নৈৰ বাঢ়নী পানী আৰু গৰাখহনীয়াই নিদ্ৰা হৰণ কৰিছে গাঁওবাসীৰ । বহাগমাহৰ প্ৰথম বৰষুণতে গাওঁখনৰ চাৰিটা কৈ পৰিয়ালৰ ঘৰ মাটি নৈত জাহ যোৱাৰ পিচত এতিয়া আহাৰ মাহৰ নেৰা নেপেৰা বৰষুণে আনিছে বহুকেইটা পৰিয়াললৈ অমানিশা

নলবাৰী 12 জুলাইঃ তামুলপুৰ মহকুমাৰ গোৰেশ্বৰ ৰাজহ চক্ৰৰ ২নং বেটাগাঁওত পুঠিমাৰী নৈৰ বাঢ়নী পানী আৰু গড়াখহনীয়াই নিদ্ৰা হৰণ কৰিছে গাঁওবাসীৰ । বহাগমাহৰ প্ৰথম বৰষুণতে গাওঁখনৰ চাৰিটা কৈ পৰিয়ালৰ ঘৰ মাটি নৈত জাহ যোৱাৰ পিচত এতিয়া আহাৰ মাহৰ নেৰা নেপেৰা বৰষুণে আনিছে বহুকেইটা পৰিয়াললৈ অমানিশা । নৈৰ পানী বাঢ়ি অহাৰ সমান্তৰাল কৈ গৰাখহনীয়াই তাণ্ডৱ ৰূপ লৈছে । চপৰা চপৰিকৈ খহিছে নৈ খনৰ গৰা । প্ৰতিটো বানতে ভেটি মাটি হেৰুৱাইছে গঞাই । যোৱাকালিৰ পৰা হৈ থকা খহনীয়া ৰ ফলত বহু মাটি নৈৰ বুকুত জাহ গৈছে । নৈপৰীয়া চাৰি ঘৰ লোক ক্ৰমে মিঠুন শিল,নিৰঞ্জন শিল,চিতল শিল আৰু উজ্বল শিলৰ তামোল পানৰ বস্তি ৰ লগতে গছ গছনি ইতিমধ্য বহুতো নৈৰ খহনীয়া ত জাহ গৈছে৷ তেঁওলোকে ঘৰ সা সম্পত্তি নৈত জাহ যোৱাৰ ভয়ত নিজে ঘৰ দুৱাৰ ভাঙি অন্য ঠাইলৈ ঢাপলি মেলিছে । স্থানীয় ৰাইজে মূল্যৱান গছ গছনি অতি কম মূল্যতে বিক্ৰী কৰিছে ।

জলসম্পদ বিভাগৰ হেমাহিতে গাঁও খনত নৈ খনে এনেদৰে প্ৰতিটো বানতে তাণ্ডৱ চলাই বুলি ৰাইজে অভিযোগ কৰিছে৷