চাৰিদিনে অন্ধকাৰত বুৰ গৈ আছে গোৰেশ্বৰৰ এখন গাঁও

শনিবাৰে অঞ্চলটোৰ ৰাইজে ঘেৰাও কৰিলে গোৰেশ্বৰৰ বিদ্যুত বিভাগৰ উপ সংমণ্ডলৰ কাৰ্য্যলয় ৷ শিঘ্ৰই ট্ৰেঞ্চফ্ৰমাৰটো কাৰ্য্যক্ষম কৰাৰ দাবী গাঁওবাসীৰ ৷

তামুলপুৰ, 21 জুনঃ বিদ্যুৎ বিভাগৰ হেমাহিৰ বাবে চাৰিদিনে অন্ধকাৰত বুৰ গৈ আছে গোৰেশ্বৰৰ এখন গাঁও। তামুলপুৰ মহকুমাৰ অন্তৰ্গত বামুণ গাঁৱৰ হাজলপাৰাৰ ৰাইজে ভুগিছে এই দুৰ্ভোগ ৷

অভিযোগ অনুসৰি ৰঙিয়া বিদ্যুত সংমণ্ডলৰ অন্তৰ্গত গোৰেশ্বৰ বিদ্যুত উপ সংমণ্ডলৰ অধিনৰ বামুণ গাঁৱৰ ট্ৰেঞ্চফ্ৰমাৰটো এমাহ আগতে বিকল হৈছিল । এই ট্ৰেঞ্চফ্ৰমাৰটো কাৰ্য্যক্ষম কৰি দিয়াৰ বাবে গাঁও খনৰ ৰাইজৰ পৰা গেৰেশ্বৰ বিদ্যুত উপ সংমণ্ডলৰ কৰ্মচাৰী এগৰাকীয়ে এঘাৰ হাজাৰ টকা লয় আৰু ট্ৰেঞ্চফ্ৰমাৰটো কাৰ্য্যক্ষম কৰি দিয়ে । কিন্তু ট্ৰেঞ্চফ্ৰমাৰটো কাৰ্য্যক্ষম হোৱাৰ কেইদিনমান পিচতে আকৌ বিকল হয় পৰে ।

চাৰিদিন ধৰি ট্ৰেঞ্চফ্ৰমাৰটো বিকল হৈ আছে যাৰ বিনিময়ত গাঁও খনৰ ৰাইজ অন্ধকাৰত থাকিব লগীয়া হোৱাৰ লগতে বিভিন্ন অসুবিধাত পৰিছে ৷

গাঁওবাসীয়ে ট্ৰেঞ্চফৰমাৰটো কাৰ্য্যক্ষম কৰি দিবলৈ ৰঙিয়া সংমণ্ডলৰ অভিযন্তা ৰ লগতে কৰ্মচাৰী সকলক বহু অনুনয় বিনয় কৰিলে যদিও কোনো সুফল নাপালে ৷ সেয়ে শনিবাৰে অঞ্চলটোৰ ৰাইজে ঘেৰাও কৰিলে

গোৰেশ্বৰৰ বিদ্যুত বিভাগৰ উপ সংমণ্ডলৰ কাৰ্য্যলয় ৷
ইপিনে বিদ্যুতৰ মাচুলৰ নামতো বিভাগটোৱে ব্যাপক খেলিমেলিৰ সৃষ্টি কৰে বুলি উল্লেখ কৰে ৰাইজে ৷
লগতে পঢ়কঃ গুৱাহাটী মহানগৰীত সঘনে চিনাক্ত হৈছে কোভিড-19 আক্ৰান্ত ৰোগী