বৰমা,১১ নৱেম্বৰ: পোহৰৰ উৎসৱ দীপাৱলি লৈ মাজত মাথো দুটা দিন বাকী ৷ সেই সময়তেই বাক্সা জিলাৰ হীড়া সম্প্ৰদায়ৰ বোৱাৰী জীয়ৰী সকল ব্যস্ত হৈ পৰিছে মাটিৰ চাকি বনোৱাত ৷ পোহৰৰ উৎসৱ ৰূপে পৰম্পৰাগত ভাৱে দেশবাসীয়েই উদযাপন কৰি আহিছে দীপাৱলি । দীপাৱলিকলৈ ব্যৱসায়ীসকল ব্যস্ত হৈ পৰিছে বন্তি প্ৰজ্বলনৰ সামগ্ৰী যোগান ধৰাত ।
বাক্সাৰ দুগৰাকী মহিলা ব্যস্ত হৈ পৰিছে মাটিৰ চাকি বনোৱাত
বাক্সা জিলাৰ চৰ্ণা হীড়া চুবাৰ কুঞ্জলতা হীড়াৰ পৰিয়ালটিও ব্যস্ত হৈ পৰিছে মাটিৰ চাকি বনোৱাত । দীপান্বিতাৰ সময়ত মাটিৰ চাকি বজাৰৰ উপৰিও ঘৰে ঘৰে বিক্ৰী কৰি লাভান্বিত হৈ আহিবলৈ সক্ষম হৈ আহিছে পৰিয়ালটো । মৃৎশিল্পী সকলে চাকিৰ লগতে অন্যান্য মাটিৰ বাচন বৰ্তন তৈয়াৰ কৰি সেইবোৰ বজাৰত বিক্ৰী কৰি নিজৰ পৰিয়ালটো পোহ পাল দি অহাৰ লগতে ল'ৰা ছোৱালীক পঢ়া শুনা কৰোৱাই আহিছে ।