বৰমাৰ দীঘেলীত অগ্নিকাণ্ড: এখন দোকান ভস্মীভূত

বাক্সা জিলাৰ বৰমা থানা অন্তৰ্গত দিঘেলী হাইস্কুলৰ সন্মুখত থকা এখন চাহ দোকানত সংঘটিত হ’য় অগ্নিকাণ্ড ৷ শণিবাৰে নিশা সংঘটিত অগ্নিকাণ্ডটোত সম্পূৰ্ণৰূপে ভস্মীভূত হ’য় এখন দোকান ৷

বৰমা, ২০ছেপ্তেম্বৰঃ শণিবাৰে নিশা প্ৰায় ১১ বজাত দোকানখনত জুই লাগে আৰু সেই জুইত দোকানৰ ভিতৰত থকা এটা চিলিণ্ডাৰৰ বিষ্ফোৰণ ঘটাত অঞ্চলতোত হুৱাদুৱা লাগে ৷ অগ্নিকাণ্ডৰ খবৰৰ পাছতে উপস্থিত অগ্নি নিৰ্বাপক বাহিনীৰ লোকে জুই নুমুৱায় যদিও ইতিমধ্যে দোকানখনৰ সকলো সামগ্ৰীৰ লগতে দোকানখন জুইত ভস্মীভূত হয় ৷

দোকনখনৰ স্বত্বাধিকাৰী ফুল্ল বড়োৱে জানিবলৈ দিয়া মতে এই অগ্নিকাণ্ডত প্ৰায় ডেৰ লাখ টকাৰ সম্পত্তি ভস্মীভূত হৈছে ৷ অৱশ্যে বৰ্তমানেও জুইৰ সূত্ৰপাতৰ কাৰণ জানিব পৰা নাই বুলি জনালে দোকনখনৰ স্বত্বাধিকাৰী ফুল্ল বড়োৱে ৷