বাক্সাত প্ৰাপ্য ধন বিচাৰি সমূহীয়া সেৱা কেন্দ্ৰৰ পৰিচালকৰ ঘৰত ভিৰ স্থানীয় লোকৰ

প্ৰাপ্য ধন উলিয়াব নোৱাৰাকৈয়ে সেৱা কেন্দ্ৰৰ পৰা বিফল মনে উভতিব লগা হৈছে বহু লোক ৷

বাক্সা, 18 এপ্ৰিল:কৰ'ণা মহামাৰীৰ বাবে দেশজুৰি অব্যাহত থকা লক ডাউনৰ বাবে নানান বিপদৰ সন্মুখীন হ'ব লগীয়া হৈছে দেশৰ লাখ লাখ দৰিদ্ৰ পৰিয়াল ৷ অসমতো আৰ্থিক ভাৱে জুৰুলা হৈ পৰিছে বহু সাধাৰণ দৰিদ্ৰ পৰিয়াল ৷ তেনে সময়তে চৰকাৰে সেই সকল লোকৰ সহায়ৰ বাবে বেংক একাউন্টত জমা কৰি দিছে 500 টকাৰ এক সাহাৰ্য ৷ কিন্তু সেই ধনৰাশি উলিয়াবৰ বাবে ৰাজ্যৰ বিভিন্ন সমূহীয়া সেৱা কেন্দ্ৰত হাহাকাৰ অৱস্থাৰ সৃষ্টি হৈছে ৰাইজৰ ৷ প্ৰাপ্য ধন উলিয়াব নোৱাৰাকৈয়ে সেৱা কেন্দ্ৰৰ পৰা বিফল মনে উভতিব লগা হৈছে বহু লোক ৷

উল্লেখ্য যে,বাক্সাৰ তামুলপুৰৰ কাউলীৰ চন্দনপুৰস্থিত সমূহীয়া সেৱা কেন্দ্ৰৰ বিষয়া মদন দাসে দৰিদ্ৰ লোক সকলক টকা মোকলাই নিদিয়াক লৈ শুকুৰবাৰে সৃষ্টি হয় উত্তপ্ত পৰিস্থিতিৰ ৷ কেন্দ্ৰত গ্ৰাহক উপস্থিত হোৱাৰ পিছতো কেন্দ্ৰটো বন্ধ হৈ থকাত বাবে মদন দাসৰ বাসগৃহত উপস্থিত হৈ ভিৰ কৰা একাংশ স্থানীয় মহিলাই ৷ দৈনিক দূৰ দূৰণিৰ পৰা অহা লোক সকলে নিজৰ প্ৰাপ্য ধন উলিয়াব নোৱাৰি বিফল মনে উভতিছে শ শ লোক ৷

লগতে পঢ়কঃ লকডাউনৰ নিয়ম অমান্য কৰি গ্ৰেপ্তাৰ এম্বুলেন্স চালক