7 দিনীয়া ভ্ৰমণসূচীৰে অসম পালেহি কেন্দ্ৰীয় চৰকাৰৰ ৰাজ্যিক গৃহমন্ত্ৰী জি কিষান ৰেড্ডী

উল্লেখ্য যে ৬৪ নং এছ এছ বি বাহিনীৰ বিষয়ববীয়া সকলৰ লগত সাম্প্ৰতিক সময়ৰ ওপৰত এক গুৰুত্বপূৰ্ণ বিষয়ত আলোচনাত মিলিত হয় জি কিশান ৰেড্ডী ৷  উক্ত আলোচনাত উপস্থিত থাকে বাক্সা জিলাৰ প্ৰশাসনিক বিষয়া সকল ।

বাক্সা, 20 অক্টোবৰ: উত্তৰ পূৰ্বাঞ্চল পৰ্যবেক্ষণ নীতিৰ আধাৰত কেন্দ্ৰীয় চৰকাৰৰ নিৰ্দেশ মৰ্মে মন্ত্ৰীত্বৰ দায়িত্ব লোৱাৰ পিচতে প্ৰথমবাৰলৈ অসমভূমি ভ্ৰমণ কৰে কেন্দ্ৰীয় চৰকাৰৰ ৰাজ্যিক গৃহমন্ত্ৰী জি কিষান ৰেড্ডীয়ে । দেওবাৰে গুৱাহাটী বিমানবন্দৰৰ পৰা পোনে পোনে হেলিকেপ্তাৰৰে বাক্সা জিলাৰ তামুলপুৰ মহকুমাৰ অন্তৰ্গত ভাৰত ভূটান সীমান্তৰ দৰঙামেলা স্থিত ৬৪ নং এছ এছ বি বাহিনীৰ চাওঁনীত উপস্থিত হয় ৰাজ্যিক গৃহমন্ত্ৰীগৰাকী ।

উল্লেখ্য যে ৬৪ নং এছ এছ বি বাহিনীটোৰ বিষয়ববীয়া সকলৰ লগত সাম্প্ৰতিক সময়ৰ ওপৰত এক গুৰুত্বপূৰ্ণ বিষয়ত আলোচনাত মিলিত হয় জি কিষান ৰেড্ডী ৷ উক্ত আলোচনাত উপস্থিত থাকে বাক্সা জিলাৰ প্ৰশাসনিক বিষয়া সকল । সভাৰ অন্ততঃ মন্ত্ৰী গৰাকীয়ে ভাৰত ভূটান সীমান্তত থকা BP240/4 নং সীমান্ত খুটি পৰিদৰ্শন কৰে । সাংবাদিকক আগত প্ৰকাশ কৰা অনুসৰি 7 দিনলৈ অসমতে থাকিব মন্ত্ৰীগৰাকীয়ে ৷ তাৰ পিচত মণিপুৰলৈ উৰা মাৰিব জি কিষান ৰেড্ডী ।