বৰমা, 9 জানুৱাৰীঃবাক্সা জিলাৰ বৰমাত বৃহস্পতিবাৰৰ পৰা শণিবাৰলৈকে তিনিদিনীয়া বৰ্ণাঢ্য কাৰ্যসূচীৰে আৰম্ভ হৈছে প্ৰথম বড়োলেণ্ড কৃষক সমাৰোহ ৷ উল্লেখ্য যে বিটিচিৰ কৃষকসকলক উৎসাহিত কৰাৰ বাবে প্ৰথমবাৰৰ বাবে বিটিচি প্ৰশাসনে বৰমাত তিনিদিনীয়া কাৰ্যসুচীৰে অনুষ্ঠিত কৰিছে প্ৰথম বড়োলেণ্ড কৃষক সমাৰোহ ৷ সমাৰোহৰ প্ৰথম দিনাই অংশগ্ৰহণ কৰে সমগ্ৰ বিটিএডিৰ কৃষকসকলে । মন্ত্ৰী প্ৰমিলাৰাণী ব্ৰহ্মই কৃষকসকলক অধিক উৎপাদনক্ষম বীজ ব্যৱহাৰ কৰি স্বাৱলম্বী হোৱাৰ বাবে আহ্বান জনায় ৷ কৃষকসকলক উৎসাহিত কৰি বিটিএডিত কৃষি উৎপাদন বৃদ্ধি কৰাৰ বাবে এই সমাৰোহৰ আয়োজন কৰা হৈছে বুলি সদৰি কৰে বিটিচিৰ কৃষি বিভাগৰ কাৰ্য্যবাহী সদস্য অনচুমৈ খুংগুৰ বড়োই ৷
বাক্সাৰ বৰমাত তিনিদিনীয়াকৈ আৰম্ভ বিটিচিৰ কৃষক সমাৰোহ