আজিৰ দিনত BPF য়ে 30 খন আসন পাব : বিশ্বজিৎ দৈমাৰী

বিটিচিত বসবাস কৰা জাতি-জনগোষ্ঠীৰ বাবে ভাল খবৰ ৷ এইবাৰ BTC ত BPF ৰ চৰকাৰ আহিলে প্ৰতিটো জাতি-জনগোষ্ঠীৰ সুকীয়া পৰিষদ গঠন কৰিব ৷ হাগ্ৰামাৰ নেতৃত্বাধীন চৰকাৰে ল’ব এই সিদ্ধান্ত ৷

বাক্সা, 26 আগষ্ট : BTC ত BPF ৰ চৰকাৰ আহিলে প্ৰতিটো জাতি-জনগোষ্ঠীৰ সুকীয়া পৰিষদ গঠন কৰিব ৷ জাতি-জনগোষ্ঠীৰ বিষয়ত আৱন্টন দিব ধন ৷ আৱন্টিত ধন জাতিৰ কলা সংস্কৃতি, ভাষা বিকাশত ব্যৱহাৰ কৰিব লাগিব ৷ গোৰেশ্বৰৰ বাগডোৱাত অনুষ্ঠিত BPF যোগদান সভাত এই মন্তব্য সাংসদ বিশ্বজিৎ দৈমাৰীৰ ৷ প্ৰায় ছয় শতাধিক লোকৰ BPF যোগদান সভাত ভাষণ ৰাখি এইদৰে কয় সাংসদগৰাকীয়ে ৷

প্ৰায় ছয় শতাধিক লোকৰ BPF ত যোগদান

তেওঁ লগতে কয় যে, পূৰ্বতকৈ বিপিএফ দলৰ শক্তি বৃদ্ধি হৈছে ৷ আজিৰ ভিতৰত নিৰ্বাচন হ’লে BPF য়ে 30 খন আসন পাব আৰু অঞ্জলি দৈমাৰীৰ আগমনে দলটোৰ মনোবল বৃদ্ধি কৰিছে বুলি উল্লেখ কৰে ৷

গোৰেশ্বৰ পৰিষদীয় সমষ্টিত BPF দলৰ প্ৰাৰ্থী মহেশ্বৰ বসুমতাৰীৰ হৈ নিৰ্বাচনী প্ৰচাৰ অন্তত সাংবাদিকৰে হোৱা সাক্ষাৎকাৰত BPF দল ত্যাগৰ নাট ৰচা ইমানুৱেল মুছাহাৰীক লক্ষ্য কৰি কয়, ইমানুৱেল মুছাহাৰী আমাৰ দলৰ মানুহ ৷ আমি তেওঁক বাদ নিদিও । ঘৰ এখনৰ দৰে মাক দেউতাকে বেয়া পালে মই ঘৰত নাথাকো মোক ওলিয়াই দে ক’লে জানো ল’ৰা ছোৱালীক মাক দেউতাকে উলিয়াই দিয়ে ? নিদিয়ে, গতিকে আমিও তেওঁক নিদিও সময়ত ভুল বুজাবুজিৰ অভাৱ কমিলে আকৌ আহিব বুলি ব্যক্ত কৰে বিশ্বজিৎ দৈমাৰীয়ে ৷

লগতে চাওক-ৰাজ্যৰ ৰাজনীতিত নতুন আঞ্চলিক দলৰ সূচনা