বাক্সাৰ তামুলপুৰত দেহশ্ৰী প্ৰতিযোগিতা আয়োজন

বাক্সাৰ তামুলপুৰত ফিটনেছ জীমৰ উদ্যোগত বড়োলেণ্ড ক্লাচিক সদৌ অসম ভিত্তিত দেহশ্ৰী প্ৰতিযোগিতাৰ আয়োজন । দেওবাৰে তামুলপুৰৰ মটঙাফুৰী ৰাজুহুৱা উদ্যানৰ শ্বহীদ মনেশ্বৰ বসুমতাৰী সোৱৰণী মঞ্চত দেহশ্ৰী প্ৰতিযোগিতা খন আয়োজন কৰা হয় ।

বাক্সা, 19 আগষ্ট: বাক্সাৰ তামুলপুৰত ফিটনেছ জীমৰ উদ্যোগত বড়োলেণ্ড ক্লাচিক সদৌ অসম ভিত্তিত দেহশ্ৰী প্ৰতিযোগিতাৰ আয়োজন কৰা হয়। এই প্ৰতিযোগিতাখন দেওবাৰে তামুলপুৰৰ মটঙাফুৰী ৰাজুহুৱা উদ্যানৰ শ্বহীদ মনেশ্বৰ বসুমতাৰী সোৱৰণী মঞ্চত আয়োজন কৰা হয় । প্ৰতিযোগিতা খনত ৰাজ্যৰ বিভিন্ন প্ৰান্তৰ মহিলা শাখাত ১২ গৰাকী আৰু পুৰুষ শাখাত ৩৫ গৰাকীকৈ প্ৰতিযোগীয়ে ভাগ লয় ।

উল্লেখ্য যে দেহশ্ৰী প্ৰতিযোগিতা খন মুখ্য অতিথি ৰূপে উপস্থিত থাকে অসমৰ বোলছবি জগতৰ জনপ্ৰিয় অভিনেতা ৰবি শৰ্মা । অভিনেতা গৰাকীয়ে ৰাইজক উদ্দেশ্যি সকলোকে স্বাস্থ্যৰ প্ৰতি সজাগ হ'বলৈ আহ্বান জনায় । প্ৰতিযোগিতাখনত বিজয়ী সকলক নগদ ধনৰ লগতে ট্ৰফি সহ পুৰস্কাৰ প্ৰদান কৰা হয় ।