বৰমা, ১৮ নবেম্বৰ :বিটিচি নিৰ্বাচনৰ দিন ঘোষণা কৰাৰ পাচতে তৎপৰ হৈ পৰিছে সাংসদ নৱ কুমাৰ শৰণীয়া নেতৃত্বাধীন গণ সুৰক্ষা পাৰ্টি ৷ বুধবাৰে বাক্সা জিলাৰ মথনগুৰি পৰিষদীয় সমষ্টিৰ চলিকান্দাত অনুষ্ঠিত হয় দলটোৰ এখন বিশাল নিৰ্বাচনী গণ সমাৱেশ ৷ য’ত উপস্থিত থাকে গণ সুৰক্ষা পাৰ্টিৰ সভাপতি তথা কোকৰাঝাৰ লোকসভা সমষ্টিৰ সাংসদ নৱ কুমাৰ শৰণীয়া ৷
সাংসদ শৰণীয়াই শেহতীয়াভাৱে বিজেপি আৰু বিপিএফ দলৰ সংঘাতক স্বামী-স্ত্ৰীৰ মাজৰ কাজিয়া বুলি তীব্ৰ ভাষাৰে কটাক্ষ কৰে ৷ বিজেপি-বিপিএফৰ সংঘাতক লৈ নৱ কুমাৰ শৰণীয়াই কয় যে, তেওঁলোকৰ মাজত কমিচন কম বেছি হোৱা বাবে সংঘাত হৈছে ৷ বিশেষ একো নাই, ৰাইজক দেখুৱাৰ বাবে এনেদৰে কাজিয়া কৰিছে ৷
বিজেপি-বিপিএফৰ সংঘাত স্বামী-স্ত্ৰীৰ কাজিয়া আখ্যা নৱ শৰণীয়াৰ