ভৱানীপুৰত কংগ্ৰেছ প্ৰাৰ্থীৰ হৈ নিৰ্বাচনী প্ৰচাৰ চলালে ভূপেন বৰাই

ৰাজ্যত উপ নিৰ্বাচনলৈ মাজত মাথো কেইটামান দিন বাকী ৷ ব্যস্ত হৈ পৰিছে প্ৰতিটো ৰাজনৈতিক দল ৷ বিজেপিয়ে যিমানেই নিৰ্বাচনী প্ৰচাৰ আৰম্ভ কৰিছে, সিমানেই কংগ্ৰেছেও নিৰ্বাচনী প্ৰচাৰ চলোৱাত ব্যস্ত হৈ পৰিছে ৷ মঙলবাৰে বাক্সাত ভৱানীপুৰৰ কংগ্ৰেছ প্ৰাৰ্থীৰ হৈ প্ৰচাৰ চলালে ভূপেন কুমাৰ বৰাই ৷

বাক্সা, 20 অক্টোবৰ : ৰাজ্যত 30 অক্টোবৰত পাঁচ সমষ্টিত অনুষ্ঠিত হ’ব উপ নিৰ্বাচন ৷ প্ৰতিটো ৰাজনৈতিক দলে এতিয়া আৰম্ভ কৰিছে ব্যাপক নিৰ্বাচনী প্ৰচাৰ অভিযান ৷ কি শাসক, কি বিৰোধী কোনো এটা ৰাজনৈতিক দলে পিছপৰি ৰোৱা নাই এতিয়া ৷ সকলো ব্যস্ত হৈ পৰিছে নিৰ্বাচনী প্ৰচাৰ অভিযানত ৷ পিছপৰি ৰোৱা নাই বিৰোধী দল কংগ্ৰেছ ৷

তাৰ মাজতে মঙলবাৰে ভৱানীপুৰ বিধানসভা সমষ্টিৰ অন্তৰ্গত বাক্সাত কংগ্ৰেছে আৰম্ভ কৰিলে নিৰ্বাচনী প্ৰচাৰ অভিযান ৷ এখন বিশাল জনসভা সম্বোধন কৰি ভৱানীপুৰৰ কংগ্ৰেছ প্ৰাৰ্থী শৈলেন্দ্ৰ নাথ দাসৰ হৈ প্ৰচাৰ চলালে অসম প্ৰদেশ কংগ্ৰেছৰ সভাপতি ভূপেন কুমাৰ বৰাই ৷ বাক্সাৰ শালবাৰীৰ গাতিত অনুষ্ঠিত হৈছিল এই প্ৰচাৰ সভা ৷

প্ৰদেশ কংগ্ৰেছৰ সভাপতি ভূপেন বৰাই সংবাদ মাধ্যমৰ আগত সদৰী কৰা অনুসৰি, ভৱানীপুৰীয়া ৰাইজৰ স্বাভিমানক জলাঞ্জলি দি পূৰ্বৰ চৰকাৰৰ দিনত এজন অপৰাধী বুলি চিহ্নিত লোকক টিকট দি দলৰ মৰ্যাদা নষ্ট কৰিছে ৷ মঙলবাৰে প্ৰতিকূল বতৰৰ পিছতো ৰাইজ স্বতস্ফুৰ্তভাৱে ওলাই আহি প্ৰমাণ কৰি দিছে যে, উপ নিৰ্বাচনত কংগ্ৰেছ দলৰ প্ৰাৰ্থী শৈলেন্দ্ৰ নাথ দাসক বিপুল ভোট প্ৰদান কৰি ৰাইজে জয়যুক্ত কৰিব ।

উল্লেখযোগ্য যে, কংগ্ৰেছ দলৰ শীর্ষ নেতা ভূপেন দৈমাৰীয়ে সভাপতিত্ব কৰা নিৰ্বাচনী সভাত বিৰোধী দলৰ দলপতি দেবব্ৰত শইকীয়া, সৰভোগ সমষ্টিৰ বিধায়ক মনোৰঞ্জন তালুকদাৰকে আদি কৰি দলীয় নেতাসকলে অংশগ্ৰহণ কৰে ।

লগতে পঢ়কঃ অসমীয়া ভাষাক অপমান : শংকৰজ্যোতি বৰুৱাৰ প্ৰতিক্ৰিয়া কি ?