বাক্সা, 14 মাৰ্চঃবাক্সাৰ কুমাৰীকাটাত সংঘটিত দুৰ্ঘটনাক কেন্দ্ৰ কৰি পথ অৱৰোধ কৰে কেবাখনো বিদ্যালয়ৰ শিক্ষাৰ্থীয়ে ৷ ৰঙিয়া-ভূটান আন্তঃৰাষ্ট্ৰীয় ঘাইপথৰ কুমাৰীকাটাত ভূটানৰ টেংকাৰে মহতিয়াই নিয়ে কুমাৰীকাটা ডনবস্কৰ এগৰাকী ছাত্ৰী ৷ যাৰ ফলত থিতাতে নিহত হয় কৃতি প্ৰধান নামৰ ছাত্ৰীগৰাকী ৷ ছাত্ৰীগৰাকী বিদ্যালয়লৈ আহি থকা অৱস্থাত ভূটানৰ পৰা অহা BP-4-BA-0548 নম্বৰৰ তেলৰ টেংকাৰেখনে খুন্দা মাৰে ৷
বাক্সাৰ কুমাৰীকাটাৰ দুৰ্ঘটনাত নিহত ছাত্ৰীক কেন্দ্ৰকৰি উত্তপ্ত পৰিস্থিতি
আনহাতে, ছাত্ৰী গৰাকীৰ মৃত্যুক কেন্দ্ৰ কৰিয়েই অঞ্চলটোৰ কেইবাখনো বিদ্যালয়ৰ ছাত্ৰ-ছাত্ৰীয়ে শনিবাৰে পথ অৱৰোধ কৰে ৷ প্ৰায় তিনি ঘন্টা ধৰি পথ অৱৰোধ কৰি প্ৰতিবাদ সাব্যস্ত কৰাৰ ফলত অঞ্চলটোত জনজীৱন স্তব্ধ হৈ পৰে ৷