পথৰ দাঁতিত জীৱন সংগ্ৰাম বৃদ্ধ শিল্পী দম্পতীৰ

বাক্সাৰ এহাল ৬০ৰো উৰ্ধৰ দম্পতী ৷ একালত ভ্ৰাম্যমাণৰ মঞ্চ কঁপাইছিল শিল্পী দম্পতীয়ে ৷ বৰ্তমান আৰ্থিক দুৰৱস্থাই জুৰুলা কৰিছে শিল্পী দম্পতীক ৷ দুয়ো আজি অৱহেলিত, দুয়োৱে পথৰ দাঁতিত এখন পাচলিৰ দোকান দি চলাই আছে জীৱন সংগ্ৰাম ৷

বাক্সা,11জুলাইঃ সুদীৰ্ঘ 24 টা বছৰ যাত্ৰা নাট, মিনি থিয়েটাৰ আৰু পেচাদাৰী নাট্যদলত অভিনয় কৰি অভিনেতাৰ পৰিচয় পোৱা দীনেশ ভূঞা আৰু তেওঁৰ কন্ঠশিল্পী পত্নী নমলা ভূঞা ৷

ইফালে তেওঁৰ পত্নী নমলা ভূঞাই 12 বছৰ বয়সৰ পৰাই অভিনয় কৰাৰ লগতে নেপথ্য কন্ঠ শিল্পী ৰূপে বিভিন্ন নাট্য গোষ্ঠীত কন্ঠদান কৰি আহিছে ৷ এতিয়াও স্থানীয় কিবা অনুষ্ঠান হ'লে, সুযোগ পালেই সংগীত পৰিৱেশন কৰে শিল্পীগৰাকীয়ে ৷

কিন্তু বৰ্তমান আৰ্থিক দুৰৱস্থাই জুৰুলা কৰিছে শিল্পী দম্পতীক ৷ ভাড়ালৈ লোৱা এটা জৰাজীৰ্ণ ঘৰত জীৱন কটাইছে শিল্পী দম্পতীয়ে ৷ দুয়ো আজি অৱহেলিত, দুয়োৱে পথৰ দাঁতিত এখন পাচলিৰ দোকান দি চলাই আছে জীৱন সংগ্ৰাম ৷

তেওঁলোকে চৰকাৰীভাৱে আজিলৈকে নাপালে কোনোধৰণৰ সঁহাৰি ৷ আনকি তেওঁলোকে নাজানে কেনেদৰে কৰিব লাগে শিল্পী পেঞ্চনৰ বাবে আৱেদন ৷পেঞ্চনৰ একো আও ভাও বুজি নোপোৱা এতিয়া দুয়ো শিল্পী এলাগী হৈ ৰৈছে এনেদৰে ৷

একমাত্ৰ পুত্ৰ-বোৱাৰীৰ শোচনীয় অৱস্থা হোৱা হেতুকে নিজৰ খৰচ নিজেই এইদৰে বহন কৰে দুয়োগৰাকী শিল্পীয়ে ৷

সম্প্ৰতি লক্ ডাউনে আৰু অধিক বিপন্ন কৰি তুলিছে তেঁওলোকৰ জীৱন যাত্ৰা ৷ প্ৰাপ্য মৰ্যদা আৰু আৰ্থিক সাহাৰ্যৰ পৰা বঞ্চিত এই দুয়োগৰাকীৰ শিল্পীৰ মৰ্মবেদনা কোনোবাই উপলদ্ধি কৰিবনে, নে এনেকৈয়ে আৰ্থিক-অনাটনৰ মাজেৰেই পাৰ হ'ব দুয়োৰে সংগ্ৰামী জীৱন?

লগতে পঢ়কঃঅৱশেষত গোচৰ তৰিলে প্ৰীতি কংগনাই