বাক্সাৰ কাউলীত 7 টা কেঁকো সাপ উদ্ধাৰ

কুমাৰীকাটা বনাঞ্চলিক কাৰ্যালয়ৰ অন্তৰ্গত কাউলিৰ তৰুণ গাঁৱৰ গোপাল মজুমদাৰ নামৰ লোক জনৰ ঘৰৰ পৰা উদ্ধাৰ হয় সাতটা কৈ কেঁকো সাপ৷

বাক্সা, 5 চেপ্তেম্বৰঃ বাক্সাত ক্ৰমাত বৃদ্ধি পাইছে চোৰাং চিকাৰীৰ প্ৰকোপ৷ বুধবাৰে সাতটাকৈ কেকো সাপ উদ্ধাৰৰ পিচতে পোহৰলৈ আহে চোৰাং চিকাৰীৰ কথা ৷ বুধবাৰে বাক্সা জিলাৰ কুমাৰীকাটা বনাঞ্চলিক কাৰ্যালয়ৰ অন্তৰ্গত কাউলিৰ তৰুণ গাঁৱৰ গোপাল মজুমদাৰ নামৰ লোক জনৰ ঘৰৰ পৰা উদ্ধাৰ হয় সাতটা কৈ কেঁকো সাপ৷ গোপন সুত্ৰৰ পম খেদি বন বিভাগ আৰু ২৪ নং এছ এছ বিয়ে যৌথ ভাৱে অভিযান চলোৱা অভিযআনত কাউলিৰ পৰা কেঁকোসাপ কেইটা উদ্ধাৰ কৰে৷ বন বিভাগৰ লোকে জানিবলৈ দিয়া মতে কাউলি তৰুণ গাঁৱৰ পৰিয়ালটোৰ বিচনাৰ তলৰ পৰা কেঁকো সাপ কেইটা উদ্ধাৰ কৰি বন বিভাগৰ কাৰ্যালয়লৈ আনে

অৱশ্যে বন বিভাগ আৰু এছ এছ বিৰ অভিযানৰ উমান পাই চোৰাং চিকাৰী গোপাল মজুমদাৰ পলাই যাবলৈ সক্ষম হয়৷ বৃহস্পতিবাৰে বন বিভাগৰ ফালৰ পৰা অভিযুক্ত গোপাল মজুমদাৰৰ বিৰুদ্ধে কুমাৰীকাটা আৰক্ষী চকীত এজাহাৰ দাখিল কৰে । সম্প্ৰতি কেঁকো সাপ কেইটা বন বিভাগৰ কাৰ্যালয়তে আছে ৷