বাক্সাৰ বাগানপাৰাত নৱ বিবাহিত বোৱাৰীৰ আত্মহত্যাক লৈ চাঞ্চল্য

বাক্সাৰ বাগানপাৰাত নৱ বিবাহিত বোৱাৰীৰ আত্মহত্যাক লৈ চাঞ্চল্য। সংগীতা কলিতা হালৈ নামৰ বোৱাৰীগৰাকীক হত্যা কৰা বুলি অভিযোগ ৰাইজ আৰু পৰিয়ালৰ। আজি পুৱা চিপ লোৱা অৱস্থাত উদ্ধাৰ বোৱাৰীগৰাকীৰ মৃতদেহ

বাক্সা, 5 ছেপ্তেম্বৰঃ বাক্সাৰ বাগানপাৰাত নৱ বিবাহিত বোৱাৰীৰ আত্মহত্যাক লৈ চাঞ্চল্য। সংগীতা কলিতা হালৈ নামৰ বোৱাৰীগৰাকীক হত্যা কৰা বুলি অভিযোগ ৰাইজ আৰু পৰিয়ালৰ। আজি পুৱা চিপ লোৱা অৱস্থাত উদ্ধাৰ বোৱাৰীগৰাকীৰ মৃতদেহ। উল্লেখ্য যে বাগানপাৰাৰ অৱসৰপ্ৰাপ্ত শিক্ষক উপেন হালৈৰ পুত্ৰ হীৰেন হালৈৰ সৈতে যোৱা এপ্ৰিল মাহত একে গাঁৱৰে সংগীতা কলিতাৰ বিবাহ সম্পন্ন হৈছিল ৷ কিন্তু বিয়াৰ পিছৰে পৰা যৌতুক বিচাৰি শাৰিৰীক আৰু মানসিক নিৰ্যাতন চলাই আহিছিল স্বামী পৰিয়ালে। আজি পুৱা চিপ লোৱা অৱস্থাত সংগীতাৰ মৃতদেহ উদ্ধাৰৰ পিচতে উত্তপ্ত হৈ পৰে ৰাইজ। উত্তেজিত ৰাইজে ভাঙি পেলায় স্বামী পৰিয়ালৰ দুৱাৰ-খিৰিকী, আচবাব। পিচত ঘটনাস্থলীত আৰক্ষীৰ উচ্চপদস্থ বিষয়া উপস্থিত হৈ সংগীতাৰ স্বামী হীৰেন হালৈ , শহুৰেক উপেন হালৈ ,শাহুৱেক আৰু হীৰেনৰ বায়েক পূৰবী হালৈক আটক কৰি পৰিস্থিতি নিয়ন্ত্ৰণ কৰিবলৈ চেষ্টা চলায়।