বাক্সাত অঘটন: সুৰাপায়ীৰ আক্ৰমণত আহত ভাৰপ্ৰাপ্ত বিষয়া

অবৈধ সুৰাৰ বিৰুদ্ধে অভিযান চলোৱাই হ'ল কাল ৷

বাক্সা, 10 অক্টোবৰ: বাক্সাত এইবাৰ সুৰাপায়ীয়ে আক্ৰমণ কৰিলে ৰক্ষকক ৷ অবৈধ সুৰাৰ বিৰূদ্ধে অভিযান চলাবলৈ গৈ সুৰাপায়ীৰ ৰোষৰ বলি হ'ল বাগানপাৰাৰ আৰক্ষী চকীৰ ভাৰপ্ৰাপ্ত বিষয়া বিজয় কুমাৰ দাস ৷ ঘটনা অনুসৰি জিলাখনত ব্যাপক হাৰত বৃদ্ধি পোৱা অবৈধ সুৰাৰ ঘাটি সমূহত বুধবাৰে নিশা আৰক্ষী বেটেলিয়নৰ সহযোগত অভিযান চলাবলৈ গৈছিল ভাৰপ্ৰাপ্ত বিষয়া বিজয় কুমাৰ দাস ৷ কিন্তু নিশা অভিযান সামৰি আৰক্ষী থানাৰ সন্মুখত তহলদাৰী দলৰ লগত তহল দি থকা সময়ত একাংশ সুৰামত্ত লোকে তহলদাৰী দলটোলৈ লক্ষ্য কৰি শিলগুটি বিক্ষেপ কৰে য'ত সোভৰিত গুৰুত্বৰ ভাৱে আহত হৈ নলবাৰী চিকিৎসালয়ত চিকিৎসাধীন হব লগা হয় ভাৰপ্ৰাপ্ত বিষয়াগৰাকী ৷ আৰক্ষীৰ ওপৰত চলা আক্ৰমনৰ পাচত বাগানপাৰা আৰক্ষীয়ে শুন্যলৈ গুলী নিক্ষেপ কৰাত চত্ৰভংগ দিয়ে আক্ৰমনকাৰী দলটো ৷ আৰক্ষীয়ে আক্ৰমণত জড়িত কেইজনমান লোকক ইতিমধ্যে আটক কৰি তদন্ত আৰম্ভ কৰিছে ৷ ঘটনা সন্দৰ্ভত সাংবাদিকক অধিক তথ্য প্ৰদানৰ পৰা বিৰত আছে বাক্সা জিলাৰ আৰক্ষী অধীক্ষক থুৱে প্ৰতীক বিজয় কুমাৰ ৷