বিপিএফত যোগদান বাক্সা জিলা কংগ্ৰেছ দলৰ সাধাৰণ সম্পাদক হিতেশ্বৰ ৰাভাৰ

বিটিআৰ নিৰ্বাচনৰ পূৰ্বেই ক্ৰমান্বয়ে বৃদ্ধি পাইছে দল ত্য়াগ, যোগদানৰ ঘটনা । বৃহস্পতিবাৰে বিপিএফ দলত 50 গৰাকী সমৰ্থক সহ যোগদান কৰে বাক্সা জিলা কংগ্ৰেছ দলৰ সাধাৰণ সম্পাদক হিতেশ্বৰ ৰাভাই ।

বৰমা, 11 জুনঃ অসমত COVID-১৯ ৰ আক্ৰান্তৰ সংখ্যা ক্ৰমাৎ বৃদ্ধি পাই আহিছে যদিও সিমানেই তুংগত উঠিছে বিটিআৰৰ নিৰ্বাচনী কুচ-কাৱাজ ৷ বৃহস্পতিবাৰে বাক্সা জিলাৰ 23 নং দিহিৰা সমষ্টিৰ বিপিএফ দলক সমৰ্থন দি যোগদানৰ বাবে আগবাঢ়ি আহে বাক্সা জিলা কংগ্ৰেছ দলৰ সাধাৰণ সম্পাদক হিতেশ্বৰ ৰাভা ৷

হিতেশ্বৰ ৰাভাই 23 নং দিহিৰা পৰিষদীয় সমষ্টিৰ বিপিএফ দলৰ প্ৰাৰ্থী ৰাজু বড়ালক বিপিএফৰ কাৰ্যালয়ত প্ৰায় অৰ্ধ শতাধিক কংগ্ৰেছ কৰ্মীক লগত লৈ পূৰ্ণ সমৰ্থন আগবঢ়ায় বিপিএফ দলত যোগদান কৰে ।

তেওঁ জানিবলৈ দিয়া মতে দীৰ্ঘদিন ধৰি কংগ্ৰেছ দলৰ হৈ কাম কৰি দলটোক মজবুত কৰিবলৈ সক্ষম হৈছিল যাৰ বাবে দলৰ হৈ পৰিষদীয় নিৰ্বাচনত টিকট বিচাৰিছিল ৷ কিন্তু দলৰ হাই কামাণ্ডে সৰলা দাসনামৰ ব্যক্তি এজনক টিকট দিয়াত অসন্তুষ্টি প্ৰকাশ কৰি ৰাভাই অৱশেষত বিপিএফ দলত যোগদানৰ বাবে আগবাঢ়ি আহে । তেওঁ জানিবলৈ দিয়া মতে প্ৰায় পোন্ধৰ হাজাৰ ভোট কংগ্ৰেছৰ পৰা বিপিএফ দললৈ আহিব আৰু বিপিএফ অনায়াসে বিজয়ী হ'ব বুলি উল্লেখ কৰিছে ৷

লগতে চাওকঃ কৃত্ৰিম বানৰ কবলত গোলাঘাটৰ হিন্দু স্কুল চাৰিআলিবাসী