বিপিএফ আৰু ইউপিপিএলৰ মিত্ৰতাক সাপ আৰু নেউলৰ লগত তুলনা ৰিপুন বৰাৰ
বাক্সা জিলাৰ কংগ্ৰেছৰ উদ্যোগত সাংগঠনিক কৰ্মশালাৰ আয়োজন ৷ এই সন্দৰ্ভত বাক্সাৰ তামুলপুৰত প্ৰদেশ কংগ্ৰেছৰ সভাপতি ৰিপুন বৰাৰ সংবাদমেল
বাক্সা, 8 ছেপ্তেম্বৰ : দেওবাৰে দিনৰ ২ বজাত বাক্সা জিলাৰ কংগ্ৰেছৰ উদ্যোগত সাংগঠনিক কৰ্মশালাৰ আয়োজন কৰা হয় । কৰ্মশালাত প্ৰদেশ কংগ্ৰেছৰ সাধাৰণ সম্পাদক দুৰ্গা দাস বড়োৰ লগতে বৰমা,তামুলপুৰ, গোৰেশ্বৰৰ বিভিন্ন পৰ্যায়ৰ নেতা কৰ্মী উপস্থিত থাকে । কৰ্মশালা সন্দৰ্ভত বাক্সা জিলাৰ তামুলপুৰ ৰাজীৱ ভৱনত এখন সংবাদমেল সম্বোধন কৰে প্ৰদেশ কংগ্ৰেছৰ সভাপতি ৰিপুন বৰাই । সংবাদমেলত প্ৰদেশ কংগ্ৰেছৰ সভাপতি গৰাকীয়ে বিজেপিৰ কেন্দ্ৰীয় গৃহমন্ত্ৰী অমিত শ্বাহক তীব্ৰ কটাক্ষ কৰি কয় যে তেওঁলোকে এন আৰ চি খন নস্যাৎ কৰাৰ অধিকাৰ ক'ত পালে বুলি প্ৰশ্ন কৰে ৷ কিয়নো গৃহমন্ত্ৰী অমিত শ্বাহে এন আৰ চি প্ৰথম খচৰাত বাদ পৰা 41 লাখ অসমীয়া মানুহক বিদেশী আখ্যা দিছিল ৷ কিন্তু তাৰে 22 লাখ মানুহক 31 আগষ্টত প্ৰকাশ পোৱা এন আৰ চি চূড়ান্ত খচৰাই ভাৰতীয় নাগৰিক বুলি স্বীকৃতি দিলে ৷ গতিকে এই সন্দৰ্ভত অমিত শ্বাস ডাঙৰীয়াক অসম বাসীৰ ওচৰত ক্ষমা খুজিব লাগিব বুলি কয় । লগতে অমিত শ্বাহ ডাঙৰীয়াক পদত্যাগ কৰিবলৈ আহ্বান জনায় ৷