জোঁৱায়েকৰ আক্ৰমণত নিহত শাহুৱেকঃ উত্তপ্ত কুমাৰীকাটা থানা চৌহদ

বাক্সা জিলাৰ কুমাৰীকাটা আৰক্ষী চকীৰ অন্তৰ্গত বৃহত্তৰ এন কে আঙাৰকাটাৰ বিনোৱাপুৰত অঘটন । জোঁৱায়েকে কাঠৰ টুকুৰাৰে মূৰত আঘাত কৰি হত্যা কৰে শাহুৱেকক ৷

কুমাৰীকাটা, 13 নৱেম্বৰঃ বাক্সা জিলাৰ কুমাৰীকাটা আৰক্ষী চকীৰ অন্তৰ্গত বিনোৱাপুৰত অঘটন ৷ জোঁৱায়েকৰ আক্ৰমণত মৃত্যু হয় শাহুৱেকৰ ৷ ঘটনা অনুসৰি অভিযুক্ত জোঁৱায়েক প্ৰকাশ মণ্ডলে শাহুৱেক গৌৰী শীলক কাঠৰ টুকুৰাৰে মূৰত আঘাত কৰে যাৰ ফলত মৃত্যুক আঁকোৱালি লয় মহিলাগৰাকীয়ে ৷ পাৰিবাৰিক কন্দলৰ বাবেই সংঘটিত হয় এই শোকাৱহ ঘটনাটো ৷

আনহাতে, ঘটনাস্থলীত আৰক্ষী উপস্থিত হৈ অভিযুক্ত প্ৰকাশ মণ্ডলক আটক কৰে ৷ লগে লগে স্থানীয় মহিলাসকল আৰক্ষী চকীত উপস্থিত হৈ হত্যাকাৰীৰ ফাঁচীৰ দাবীত এক উত্তপ্ত পৰিস্থিতিৰ সৃষ্টি কৰে ৷