চাৰি মহীয়া সন্তানৰ মাতৃক ধৰ্ষণৰ চেষ্টা

বাক্সাত এটি চাৰি মহীয়া সন্তানৰ মাতৃক ধৰ্ষণৰ চেষ্টা চলোৱাৰ অভিযোগ ভুক্তভোগী মহিলাৰ ৷ ঘৰত কোনো নথকাৰ সুযোগ লৈ এই কাৰ্য সংঘটিত কৰাৰ অভিযোগ মহিলা গৰাকীৰ ৷ আৰক্ষীয়ে অভিযুক্ত চামচুল হকক এতিয়ালৈ কৰায়ত্ত কৰিবলৈ সক্ষম হোৱা নাই ৷

বাক্সা,21অক্টোবৰ: বাক্সাৰ গোৰেশ্বৰত মহিলাক ধৰ্ষণকাণ্ডৰ অভিযুক্ত বৰ্তমানেও মুকলি আকাশৰ তলত ৷ ধৰ্ষণৰ অভিযোগত অভিযুক্ত চামচুল হকৰ বিৰুদ্ধে গোচৰ ৰুজু কৰা হৈছে যদিও বৰ্তমানেও আৰক্ষীয়ে এই ক্ষেত্ৰত গ্ৰহণ কৰা নাই কোনো ব্যৱস্থা ৷

উল্লেখ্য যে,শুকুৰবাৰে নিশা বাক্সাৰ গোৰেশ্বৰত এগৰাকী মহিলাক ধৰ্ষণৰ চেষ্টা চলাইছিল অঞ্চলটোৰ চামচুল হক নামৰ এজন লোকে ৷ মহিলা গৰাকীৰ স্বামী কৰ্মসূত্ৰে বহি:ৰাজ্যত থকাৰ লগতে বৰ্তমান ঘৰখনত থকা একমাত্ৰ শহুৰেকৰ বেমাৰৰ সুযোগ লৈ ধৃত চামচুলে মহিলা গৰাকীক ধৰ্ষণৰ অপচেষ্টা চলাই বুলি অভিযোগ উত্থাপন কৰে মহিলা গৰাকীয়ে ৷ নিশা প্ৰায় ১২ মান বজাত মহিলাগৰাকীৰ ঘৰৰ ওপৰৰ অংশৰ বেৰ কাটি ভিতৰলৈ প্ৰৱেশ কৰি মহিলাগৰাকীক ধৰ্ষণৰ অপচেষ্টা চলাই ৷ চাৰি মহীয়া এটি সন্তানৰ মাতৃ গৰাকীক শুই থকা অৱস্থাত মুখত হাতেৰে চেপা মাৰি ডেগাৰ দেখুৱাই মহিলা গৰাকীক ভয়-ভাবুকি দেখাই বুলি সাংবাদিকৰ আগত প্ৰকাশ কৰে মহিলা গৰাকীয়ে ৷ কিন্তু মহিলা গৰাকীৰ চিৎকাৰত অসুখীয়া শহুৰেক গৰাকী উঠি অহাত ঘটনাস্থলীৰ পৰা পলায়ন কৰে লম্পটজনে ৷

ইতিমধ্যে, ঘটনা সন্দৰ্ভত ভুক্তভোগী মহিলা গৰাকীয়ে স্থানীয় গোৰেশ্বৰ থানাত এখন দাখিল কৰিছে এজাহাৰ ৷ কিন্তু পলাতক চামচুল হকক আটক কৰিবলৈ সক্ষম হোৱা নাই গোৰেশ্বৰ আৰক্ষী । ইফালে আৰক্ষীৰ কাষ চাপিও ন্যায় নোপোৱাৰ অভিযোগ উত্থাপন কৰিছে ভুক্তভোগী মহিলাগৰাকীৰ লগতে আত্মীয়-স্বজনে ৷

অন্য এক খবৰৰ বাবে: কোকৰাঝাৰত বোৱাৰীক ঘৰৰ পৰা উলিয়াই দিলে শহুৰ-শাহুয়েকে