বাক্সা, ৫ জানুৱাৰী : বড়োভূমিত পুনৰ উদ্ধাৰ হৈছে মাৰণাস্ত্ৰ। এইবাৰ বাক্সা জিলাৰ তামুলপুৰ মহকুমাৰ মেছগুৰিত পুতি থোৱা অৱস্থাত উদ্ধাৰ হৈছে মাৰণাস্ত্ৰ । মটঙা নৈৰ পাৰৰ পৰা উদ্ধাৰ হৈছে 9 এমএম পিষ্টলসহ ১১ জাই সজীৱ গুলি। কুমাৰীকাটা আৰক্ষী চকীৰ ভাৰপ্ৰাপ্ত আৰক্ষী বিষয়া নিলভজ্যোতি নাথৰ নেতৃত্বত চলা অভিযানৰ অন্তত উদ্ধাৰ হৈছে এই অস্ত্ৰখিনি।
বাক্সাৰ মেছগুৰিত পুতি থোৱা অৱস্থাত উদ্ধাৰ মাৰণাস্ত্ৰ উল্লেখ্যে যে,যোৱা ২১ ডিচেম্বৰ তাৰিখে নিশা দুৰ্বৃত্তই কৃষ্ণ দাস নামৰ এজন খেতিয়কৰ ঘৰত প্ৰৱেশ কৰি ভয় ভাবুকিৰে গুলি ফুটাই পলায়ন কৰিছিল ৷ উক্ত ঘটনাৰ সৈতে জড়িত থকাৰ অভিযোগত কুমাৰীকাটা আৰক্ষীয়ে আটক কৰিছিল মুঠ তিনিজন অস্ত্ৰধাৰী লোকক ৷ আটকাধীন লোক কেইজনক জেৰা চলাই অনুসন্ধান চলোৱাৰ অন্তত প্ৰথম পৰ্যায়ত উদ্ধাৰ হৈছিল 7.5 পিষ্টলসহ তিনি জাই সজীৱ গুলী আৰু দ্বিতীয় পৰ্যায়ৰ অনুসন্ধানত পুনৰ উদ্বাৰ হৈছে 9এমএম পিষ্টল সহ ১১ জাই সজীৱ গুলি।
