বৰমা,29 নবেম্বৰঃবিটিচি নিৰ্বাচনৰ দিন যিমানে চমু চাপি আহিছে সিমানেই ৰাজনৈতিক দল সমূহৰ নিৰ্বাচনী প্ৰচাৰ তুংগত উঠা পৰিলক্ষিত হৈছে । দেওবাৰে বাক্সা জিলাৰ ভাৰত-ভূটান সীমান্তৰ কামাদৈছা লক্ষীবজাৰত বিপিএফৰ এখন নিৰ্বাচনী সভা অনুষ্ঠিত হৈ যায় । বিশিষ্ট সাহিত্যিক তথা বিপিএফৰ কেন্দ্রীয় সমিতিৰ সম্পাদিকা ড° অঞ্জলী প্ৰভা দৈমাৰীয়ে অংশগ্রহণ কৰি কয়, নিৰ্বাচনী প্ৰচাৰ সভা সমূহত যিয়ে যিমান সমালোচনা নকৰিলেও বিগত ১৫ টা বছৰত বিটিচি অঞ্চলত অসমৰ আনসমূহ অঞ্চলতকৈ বহুত উন্নয়ন হৈছে । কাৰণ ইয়াত চাকৰি কৰি যোৱা বহু লোকে দহ বছৰৰ পাছত আহিলে এই উন্নয়নৰ কথা স্বীকাৰ কৰি যায়। বিভিন্ন ৰাজনৈতিক দলৰ নেতাক সমালোচনা কৰি ড° দৈমাৰীয়ে পুনৰ কয়, বিটিচিত অশান্ত পৰিবেশ সৃষ্টি হ'ব লাগিলে তাৰ বাবে প্ৰধানকৈ দায়ী হিমন্ত বিশ্ব শৰ্মা হ'ব।
বিটিচিত অশান্ত পৰিৱেশ সৃষ্টি হ'লে দায়ী হ’ব হিমন্ত বিশ্ব শৰ্মাঃ ড° অঞ্জলী প্ৰভা দৈমাৰী