বাক্সাত উদ্ধাৰ হাতী পোৱালিৰ মৃতদেহ

ভূটানত প্ৰৱল বৃষ্টিপাত হোৱাৰ ফলত বৃদ্ধি পাইছে বাক্সাৰ নৈ উপনৈৰ জলপৃষ্ঠ । ফলত দূৰ্যোগ নামি আহিছে বন্য জীৱ-জন্তু সমূহৰ জীৱনলৈ ৷ বাক্সা জিলাৰ মুছলপুৰ মহকুমাৰ অধীনৰ চিনাদীত বুধবাৰে উদ্ধাৰ হয় বনৰীয়া হাতী পোৱালিৰ মৃতদেহ

বাক্সা, 26 জুনঃ বাক্সাৰ দিৰিং নৈৰ চিনাদীৰ ঘাটত উদ্ধাৰ হয় এটা হাতী পোৱালিৰ মৃতদেহ । স্থানীয় ৰাইজে হাতী পোৱালীটো নৈৰ বাঢ়নী পানীত উটি অহা প্ৰত্যক্ষ কৰি নৈৰ পাৰলৈ তুলি আনে ৷

মুক্ত ভাবে বিচৰণ কৰি থকাৰ সময়ত হাতী পোৱালিটো হঠাতে পিচলি ভূটানৰ পৰা নামি অহা বাঢ়নী পানীৰ সোঁতত উটি অহাৰ সন্দেহ স্থানীয় ৰাইজৰ । ঘটনাস্থলীত বনবিভাগ আৰু আৰক্ষী উপস্থিত হৈ হাতী পোৱালিটোৰ মৃতদেহ উদ্ধাৰ কৰে ।

আৰু পঢ়কঃ নৈৰ সোঁতে বেঁকা কৰিলে এখন ১৬ লাখ টকীয়া বাঁহৰ দলং