বাক্সাৰ বনবাৰীত দুৰ্বৃত্তই জ্বলালে বাঁহৰ দলং

মুছলপুৰ সদৰ সংযোগী বনবাৰী-অদালবাৰী পথত এই ঘটনা৷ বাঁহৰ দলংখন জ্বলাই দিয়াত ব্যাহত যাতায়ত ব্যৱস্থা

বাক্সা,17 জুনঃ মুছলপুৰ সদৰ সংযোগী বনবাৰী-অদালবাৰী পথৰ ওপৰত থকা এখন বাঁহৰ দলং দুৰ্বৃত্তই দেওবাৰে পুৱতি নিশা অগ্নিসংযোগ কৰি জ্বলাই দিয়ে৷ বাঁহৰ দলংখন জ্বলাই দিয়াৰ ফলত ব্যাহত হৈ পৰিছে যাতায়ত ব্যৱস্থা ৷

উল্লেখ্য যে কিছু বছৰ পূৰ্ৱে অদালবাৰী বনবাৰী সংযোগী পথটোত এটা জানৰ ওপৰত বিটিচি কৰ্তৃপক্ষই এটা পকী কালভাৰ্ট নিৰ্মাণ কৰিছিল ৷ কিন্তু কালভাৰ্টটোৰ পশ্চিম দিশটো পানীয়ে খহাই নিয়াৰ পিচত স্থানীয় ৰাইজে নিজৰ গাঠিৰ ধন খৰচ কৰি এখন বাঁহৰ দলং নিৰ্মাণ কৰি যাতায়ত অব্যাহত ৰাখিছিল ৷ দৈনিক সহস্ৰাধিকলোকে যাতায়ত কৰা বাঁহৰ দলংখন কোনো অচিনাক্ত দুৰ্বৃত্তই জ্বলাই দিয়াত এতিয়া অঞ্চলটোত হাহাকাৰ পৰিস্থিতিৰ সৃষ্টি হৈছে ৷ দলংখন জ্বলাই দিয়াত বিদ্যালয়ৰ ছাত্ৰ ছাত্ৰীৰ পৰা সাধাৰণ পথচাৰীলৈ যাতায়ত ব্যাহত হৈ পৰিছে ৷ স্থানীয় ৰাইজে ঘটনাটোক লৈ ক্ষোভিত হৈ পৰাৰ লগতে দোষীক বিচাৰি উলিয়াই শাস্তি দিবলৈ প্ৰশাসনক দাবী জনাইছে ৷

লগতে পঢ়কঃনগাঁৱত নিচাজাতীয় সামগ্ৰীসহ মহিলা আটক