বৰবৰীত জব্দ বৃহৎ পৰিমাণৰ বিলাতী সুৰাঃ আৰক্ষী অভিযান অব্যাহত

আৰক্ষীৰ দলে বিলাতী সুৰা জব্দ কৰাৰ লগতে বৰিমাখা অঞ্চলত থকা কেইবাটাও চুলাই মদৰ ঘাটি উৎখাত কৰি বহু চুলাই মদ নষ্ট কৰে ।

বাক্সা, 19 মেঃ বাক্সাৰ বৰবৰী আৰক্ষী থানাৰ অন্তৰ্গত বৰিমাখাত অব্যাহত আছে বিলাতী সুৰাৰ লগতে চুলাই মদৰ ৰমৰমীয়া বেহা ৷ নিশা বৰবৰী আৰক্ষী থানাৰ ভাৰপ্ৰাপ্ত উপ-পৰিদৰ্শক নীলভজ্যোতি নাথৰ নেতৃত্বত অভিযান চলাই বৰিমাখাৰ এখন দোকানৰ পৰা বৃহৎ পৰিমাণৰ বিলাতী সুৰা জব্দ কৰে আৰক্ষীয়ে ৷ আনহাতে অভিযানৰ সময়ত আৰক্ষীৰ চকুত ধুলি দি সুৰা ব্যৱসায়ী গৰাকী পলায় যাবলৈ সক্ষম হয় ৷ আৰক্ষীৰ দলটোৱে বিলাতী সুৰা জব্দ কৰাৰ লগতে বৰিমাখা অঞ্চলত থকা কেইবাটাও চুলাই মদৰ ঘাটি উৎখাত কৰি বহু চুলাই মদ নষ্ট কৰে।