বাক্সা, 1 ফেব্ৰুৱাৰী : বি টি আৰত অব্যাহত আছে অবৈধ অস্ত্ৰৰ বিৰুদ্ধে অভিযান ৷ বি টি আৰৰ এখনৰ পিছত আন এখন ঠাইত উদ্ধাৰ হৈছে অবৈধ মৰণাস্ত্ৰ ৷
সোমবাৰে বাক্সা জিলাৰ মুছলপুৰত উদ্ধাৰ হৈছে বৃহৎ পৰিমাণৰ অবৈধ মাৰণাস্ত্ৰ ৷ জিলাখনৰ বৰবৰী আৰক্ষী থানাৰ অন্তৰ্গত বৰিমাখাত মৰা পাগলাদিয়া নদীৰ পাৰত গাঁতত পুতি থোৱা অৱস্থাত আৰক্ষীয়ে উদ্ধাৰ কৰে অস্ত্ৰখিনি ৷
সেই নিৰ্দিষ্ট স্থানৰ পৰা আৰক্ষীয়ে উদ্ধাৰ কৰে এটা AK 47 ৰাইফলৰ লগতে ইয়াৰ 107 জাঁই গুলী, এটা পিষ্টলৰ লগতে ইয়াৰ 8 জাঁই সজীৱ গুলী ৷
প্ৰাপ্ত তথ্য অনুসৰি, আৰক্ষীৰ এক গোপন সূত্ৰৰ পমখেদি বাক্সাৰ অতিৰিক্ত আৰক্ষী অধীক্ষক সিদ্ধাৰ্থ বুঢ়াগোহাইৰ নেতৃত্বত বৰবৰী আৰক্ষীয়ে বৰিমাখাৰ মৰা পাগলাদিয়া নদীৰ পাৰত গাত খান্দি উদ্ধাৰ কৰে এই অবৈধ মাৰণাস্ত্ৰখিনি ৷ অৱশ্যে উদ্ধাৰ হোৱা অবৈধ অস্ত্ৰখিনি কাৰ, সেই বিষয়ে বৰ্তমানলৈকে কোনো তথ্য লাভ কৰা নাই আৰক্ষীয়ে ৷ এই সন্দৰ্ভত আৰক্ষীয়ে তদন্ত অব্যাহত ৰাখিছে ৷
লগতে পঢ়ক :সাধাৰণ বাজেটত অসমৰ পথ নিৰ্মাণৰ বাবে 34 হাজাৰ কোটি টকাৰ পেকেজ
