বাক্সা,৩ ছেপ্টেম্বৰ :প্ৰতিবছৰে অৰ্জুন ভোগেশ্বৰ বৰুৱাৰ জন্মদিনটো ৰাজ্যজুৰি অভিৰুচি ক্ৰীড়া দিৱস হিচাপে পালন কৰা হয় (Abhiruchi sports day in Assam)। সেই অনুসৰি আজি ৰাজ্যৰ ভিন্ন প্ৰান্তত অভিৰুচি ক্ৰীড়া দিৱস পালন কৰা হৈছে । বাকী জিলাসমূহৰ দৰে বাক্সা জিলাৰো ভিন্ন প্ৰান্তত এই দিৱস পালন কৰা হৈছে ।
বাক্সাত অভিৰুচি ক্ৰীড়া দিৱস পালন
বৰমাৰ এম্পায়াৰ একাডেমীতো এই দিৱসৰ লগত সংগতি ৰাখি বিশেষ কাৰ্যসূচীৰ আয়োজন কৰা হৈছে (Abhiruchi sports day observed in Baksa)। স্বপন কুমাৰ শৰ্মাৰ সভাপতিত্বত অনুষ্ঠিত এই কাৰ্যসূচীত মুখ্য অতিথি হিচাপে উপস্থিত থাকে বড়োলেণ্ড বাৰ্তালোচনীৰ মুখ্য সম্পাদক ৰজনী ৰবজৌৱাৰী, বিশিষ্ট অতিথি হিচাপে উপস্থিত থাকে বি এইচ বি কলেজৰ অৱসৰপ্ৰাপ্ত অধ্যাপক ড৹ ফনীধৰ তালুকদাৰ আৰু এম্পায়াৰ একাডেমীৰ অধ্যক্ষ বিদ্যাসাগৰ ৰামছিয়াৰী ।