পেট্ৰ'ল, ডিজেলৰ মূল্যবৃদ্ধিৰ ৰোধৰ দাবীত তামুলপুৰত আছুৰ প্ৰতিবাদ

প্ৰতিবাদকাৰীসকলে যোগান মন্ত্ৰী ফণীভূষণ চৌধুৰীয়ে মূল্যবৃদ্ধি ৰোধত চূড়ান্ত ব্যৰ্থ হোৱাৰ অভিযোগ তুলি তেওঁৰ পদত্যাগৰ দাবী উত্থাপন কৰে ৷

বাক্সা, 3 জুলাই : পেট্ৰ'ল, ডিজেল, আলু পিয়াজকে ধৰি অত্যাৱশ্যকীয় সামগ্ৰীৰ মূল্যবৃদ্ধিৰ প্ৰতিবাদত শুকুৰবাৰে সদৌ অসম ছাত্ৰ সন্থাৰ আহ্বানত তামুলপুৰ মহকুমা ছাত্ৰ সন্থাই তামুলপুৰৰ ঘগ্ৰাচ'কত তীব্ৰ প্ৰতিবাদ সাব্যস্ত কৰে । প্ৰতিবাদকাৰীসকলে প্ৰধানমন্ত্ৰী নৰেন্দ্ৰ মোদী, মুখ্যমন্ত্ৰী সৰ্বানন্দ সোণোৱাল, যোগান মন্ত্ৰী ফণীভূষণ চৌধুৰী, কেন্দ্ৰীয় পেট্ৰলিয়াম মন্ত্ৰী ধৰ্মেন্দ্ৰ প্ৰধানৰ প্ৰতিকৃতি দাহ কৰি প্ৰতিবাদ সাব্যস্ত কৰে ।

প্ৰতিবাদকাৰীসকলে পে'ট্ৰল, ডিজেল মূল্যবৃদ্ধিৰ ৰোধৰ দাবীত নৰেন্দ্ৰ মোদী হায় হায়, বিজেপি চৰকাৰ গ' বেক, ধৰ্মেন্দ্ৰ প্ৰধান হায় হায়, সৰ্বানন্দ সোণোৱাল হায় হায় আদি শ্ল'গানেৰে চৌদিশ উত্তাল কৰি তোলে ৷ তেওঁলোকে যোগান মন্ত্ৰী ফণীভূষণ চৌধুৰীয়ে মূল্যবৃদ্ধি ৰোধত চূড়ান্ত ব্যৰ্থ হোৱাৰ অভিযোগ তুলি তেওঁৰ পদত্যাগৰ দাবী উত্থাপন কৰে ৷

লগতে পঢ়ক : নেপালৰ ৰাষ্ট্ৰপতিক সাক্ষাৎ এনচিপিৰ কাৰ্যবাহী সভাপতি প্ৰচণ্ডৰ