অভিযন্তা নে চোৰ ?

ৰাজ্যত প্ৰতিদিনে বিভিন্ন ধৰণৰ চুৰি কাণ্ডই সংবাদ শিৰোনাম দখল কৰি থাকে ৷ যেতিয়া এই চুৰি পন্থা চৰকাৰী কৰ্মচাৰীয়ে সহজ পন্থা বিচাপে বাছি লয়, কেনে লাগে বাৰু শুনি ৷ তেনে এক কাণ্ডই সংঘটিত হৈছে এইখন অসম মুলুকত ৷

বাক্সা,12 জুলাই :ৰাজ্যত প্ৰতিদিনে বিভিন্ন প্ৰান্তত চুৰি কাণ্ড সংঘটিত হৈ আহিছে ৷ একাংশই আৰ্থিক অনাতন আৰু একাংশই এলেহুৱা স্বভাৱৰ বাবে বা কোনোৱে তাগিদাত পৰি চুৰি বৃ্ত্তিত নিমজ্জিত হয় ৷ লোকৰ ধনৰে চলিবলৈ বিচৰা একাংশ লোকেও সাধৰণতে চোৰ বৃত্তিকে সহজ পন্থা হিচাপে আঁকোৱালি লয় ৷ কেতিয়াবা সুন্দৰ ভাবেই চুৰি কাৰ্য সংঘটিত কৰে আৰু কেতিয়াবা ধৰা পৰিলে ঔকিল খায় মানুহৰ পৰা ৷ কিন্তু যেতিয়া এই চুৰি কাৰ্য চৰকাৰী বিষয়াই কৰে শুনিবলৈ কেনে লাগে বাৰু ৷

এইবাৰ তেনে এক চুৰি কাৰ্যৰ সৈতে নাম সাঙোৰ খাইছে এগৰাকী কণিষ্ঠ অভিযন্তাৰ ৷ অভিযন্তা গৰাকীয়ে আকৌ কি চুৰি কৰিছে জানেনে, চিলাই মেচিন ৷ বাক্সা জিলাৰ জালাহ খণ্ড উন্নয়ন বিষয়াৰ কাৰ্যালয়ত কৰ্মৰত আছিল কণিষ্ঠ অভিযন্তা গৰাকী ৷ বুধবাৰে চিলাই মেচিন চুৰি কৰি থাকোতে হাতে-লোটে ধৰে ইউপিপিএলৰ কৰ্মীয়ে ৷ তাৰপাছতে সমগ্ৰ বাক্সা জিলাতে সৃষ্টি হৈছে বু-বু বা-বা ৷

অভিযোগ অনুসৰি জালাহ উন্নয়ণ খণ্ডৰ জয় দাস নামৰ কণিষ্ঠ অভিযন্তা গাকীয়ে 10 আগষ্টত কাৰ্যালয় ছুটি হোৱাৰ পাছতে বিয়লি গুদামঘৰৰ পৰা চাৰিটাকৈ চিলাই মেচিন চুৰিকৰিবলৈ লোৱাৰ সময়তে হাতে-লোটে ধৰে ইউপিপিএলৰ কৰ্মীয়ে ৷ ইউপিপিএলৰ কৰ্মী সকলে কণিষ্ঠ অভিযন্তা জনক হাতে-লোটে ধৰাৰ পাছতে প্ৰশাসনক সমগ্ৰ ঘটনাৰ বিষয় অৱগত কৰে ৷

লগতে পঢ়কঃ গাঁঁওবুঢ়াৰ নিযুক্তিক লৈ তিনিচুকীয়াত প্ৰতিবাদ

আনহাতে, চিলাই মেচিন চুৰি কৰা ঘটনাৰ 24 ঘন্টা পাৰ নৌহওঁতেই বিটিআৰ প্ৰশাসনে কণিষ্ঠ অভিযন্তা গৰাকীক তাৎক্ষণিক ভাৱে বলবৎ হোৱাকৈ নিলম্বন কৰে ৷ উল্লেখযোগ্য যে, বুধবাৰে বিয়লি ভাগত জালাহ খণ্ড উন্নয়ন বিভাগৰ কাযালয়ত উপস্থিত হৈ বিটিআৰৰ কাৰ্যবাহী সদস্য ৰাকেশ ব্ৰহ্মই কাৰ্যালয় কৰ্তৃপক্ষৰ হাতত অপৰ্ণ কৰে কণিষ্ঠ অভিযন্তা গৰাকীৰ নিলম্বন প্ৰত্ৰ ৷

যেতিয়ালৈকে এই চুৰি কাণ্ডৰ তদন্ত শেষ নহয় তেতিয়ালৈকে অভিযুক্ত কনিষ্ঠ অভিযন্তা গৰাকীক নিলম্বন কৰা হৈছে বুলি জানিবলৈ দিয়ে বিটিআৰৰ কাৰ্যবাহী সদস্য গৰাকীয়ে ৷ লগতে এই সমগ্ৰ ঘটনাৰ বিৰুদ্ধে এক উচ্চ পৰ্যায়ৰ তদন্ত কৰা হ’ব বুলি সদৰি কৰে ৰাকেশ ব্ৰহ্মই ৷ ইপিনে বিটিআৰৰ কাৰ্যবাহী সদস্য গৰাকীয়ে কয় যে, য়েতিয়ালৈকে বিটিআৰত ইউপিপিএল দলৰ চৰকাৰ থাকে তেতিয়ালৈকে কোনো ধৰণৰ দুৰ্নীতি আৰু অনিয়ম সংঘটিত হ’বলৈ দিয়া নহ’ব ৷

সকলো চৰকাৰী বিষয়াক দুৰ্নীতি তথা অনিয়ম সংঘটিত নকৰিবলৈ আহ্বান জনাই বিটিআৰৰ কাৰ্যবাহী সদস্য ৰাকেশ ব্ৰহ্মই ৷ সম্প্ৰতি কণিষ্ঠ অভিযন্তা গৰাকীয়ে এই সমগ্ৰ কাণ্ড সংঘটিত কৰা বুলি নিজে মুখে স্বীকাৰ কৰিছে বুলি জানিব পৰা গৈছে ৷

লগতে পঢ়কঃ বিজেপিলৈ যাব কংগ্ৰেছ সাংসদ প্ৰদ্যুৎ বৰদলৈ !