বড়ো সাহিত্য সভাৰ সফল সামৰণি

বাক্সাৰ তামুলপুৰ উচ্চতৰ মাধ্যমিক বিদ্যালয়ৰ প্ৰেক্ষাগৃহত ১০-১১ এপ্ৰিলত দুদিনীয়াকৈ ৬০ তম বড়ো সাহিত্য সভা অনুষ্ঠিত হৈ যায় ৷ ১১ এপ্ৰিলত দিনৰ ১২ বজাত অনুষ্ঠিত হোৱা মুকলি অধিৱেশনৰ দ্বাৰ উন্মোচন কৰে বিটিআৰৰ মুখ্য কাৰ্য্যবাহী প্ৰমোদ বড়োৱে ৷ সভাত মুখ্য অতিথি হিচাপে উপস্থিত থাকে পদ্মশ্ৰী বটাপ্ৰাপ্ত ড° মংগল সিং হাজোৱাৰী ৷

বাক্সা,১১ এপ্ৰিলঃ বাক্সা জিলাৰ তামুলপুৰ উচ্চতৰ মাধ্যমিক বিদ্যালয়ৰ প্ৰেক্ষাগৃহত ১০ আৰু ১১ এপ্ৰিল তাৰিখে দুদিনীয়াকৈ ৬০ তম বড়ো সাহিত্য সভা অনুষ্ঠিত হৈ যায় ৷ ১১ এপ্ৰিল তাৰিখে দিনৰ ১২ বজাত অনুষ্ঠিত হোৱা মুকলি অধিবেশন মুকলি কৰে বিটিআৰৰ মুখ্য কাৰ্য্যবাহী প্ৰমোদ বড়োৱে ৷ সভাত মুখ্য অতিথি হিচাপে উপস্থিত থাকে পদ্মশ্ৰী বটাপ্ৰাপ্ত ড° মংগলসিং হাজোৱাৰীয়ে ৷ তেওঁ ভাষণত কয় যে বড়ো ভাষা প্ৰসাৰৰ ক্ষেত্ৰত আমি সকলোৱে চেষ্টা কৰিব লাগিব ৷ বড়ো মাধ্যমৰ লেখক লেখিকাক উৎসাহিত কৰিব লাগিব, বিশেষকৈ বিটিআৰ চৰকাৰে এই ক্ষেত্ৰত গুৰুত্বপূৰ্ণ ভুমিকা লব পাৰে বুলিও কয় হাজোৱাৰীয়ে ৷

সভাত উপস্থিত থাকি ৰাজ্য সভাৰ সাংসদ বিশ্বজিৎ দৈমাৰীয়ে কয় যে বড়ো ভাষাই এটা ইতিহাস ৷ বিভিন্ন ৰাষ্ট্ৰই বড়ো ভাষাৰ প্ৰতি গুৰুত্ব আৰোপ কৰিছে বুলিও কয় ৷ অকল বড়ো ভাষা বুলিয়েই নহয় বিভিন্ন ঠাইত স্থানীয় ভাষাৰে সজাগ কৰাৰ ক্ষেত্ৰত চৰকাৰে বিশেষ ভুমিকা হাতত লৈছে ৷ ইয়াৰ পুৰ্বে ৰাতিপুৱা সাহিত্য সভাৰ পতাকা উত্তোলন কৰে সভাপতি তৰেণ বড়োৱে ৷ ইয়াৰ পিছতেই বড়ো সাহিত্য সভাৰ লগত জড়িত নবীন লেখক তথা ৬০ বছৰৰ উৰ্ধৰ লোকক সকলক সাহিত্য সভাৰ দ্বাৰা সম্বৰ্ধনা জনোৱা হয় ৷

লগতে পঢ়ক :মুখ্য নিৰ্বাচন আয়ুক্তলৈ পত্র সাংসদ অজিত কুমাৰ ভূঞাৰ