বাক্সা, 7 অক্টোবৰ : বুধবাৰে সন্ধিয়া বাক্সা জিলাৰ তামুলপুৰত 44 টাকৈ চোৰাং চিকাৰী(Poacher)ৰ আত্মসমৰ্পণ(Surrender) ৷ তামুলপুৰৰ ভিন্ন প্ৰান্তৰ পৰা অহা চোৰাং চিকাৰীকেইটাই অস্ত্ৰসহ আনুষ্ঠানিকভাৱে আত্মসমৰ্পণ কৰে ৷
তামুলপুৰৰ ঘগ্ৰাচকত আয়োজিত এই আত্মসমৰ্পণ অনুষ্ঠানত উপস্থিত থাকে বাক্সা জিলাৰ আৰক্ষী অধীক্ষক ৰাজেন সিং, তামুলপুৰ মহকুমা আৰক্ষী বিষয়া ৰূপজ্যোতি কলিতা, তামুলপুৰ থানাৰ ভাৰপ্ৰাপ্ত বিষয়া দীপক সূত্ৰধৰকে ধৰি কেইবাগৰাকীও আৰক্ষী বিষয়া ৷