একেখন মঞ্চতে একত্ৰিত হ’ল বিটিআৰৰ ১৬ টা জনগোষ্ঠীয় সংগঠন

শনিবাৰে তামুলপুৰৰ ঘগ্ৰাচ’কৰ বাকৰিত 16 টা জনগোষ্ঠীয় সংগঠনে একত্ৰিত হৈ এক বিশাল জনসভাৰ আয়োজন কৰে ৷ এই সভাতেই অনাগত দিনসমূহত বিটিআৰৰ সৰ্বাংগীন উন্নয়নৰ বাবে ইউ পি পি এলক ভোট প্ৰদানৰ বাবে আহ্বান জনায় আটাইকেইটা সংগঠনৰ মুৰব্বীয়ে ৷

বাক্সা,28 নৱেম্বৰঃ ‘সম উন্নয়ণ সম বিকাশ’ৰ স্বাৰ্থত একেখন মঞ্চতে একত্ৰিত হ’ল বিটিআৰৰ ১৬ টা জনগোষ্ঠীয় সংগঠন ৷ শনিবাৰে তামুলপুৰৰ ঘগ্ৰাচ’কৰ বাকৰিত 16 টা জনগোষ্ঠীয় সংগঠনে একত্ৰিত হৈ এক বিশাল জনসভাৰ আয়োজন কৰে ৷ এই সভাতেই অনাগত দিনসমূহত বিটিআৰৰ সৰ্বাংগীন উন্নয়নৰ বাবে ইউ পি পি এলক ভোট প্ৰদানৰ বাবে আহ্বান জনায় আটাইকেইটা সংগঠনৰ মুৰব্বীয়ে ৷ সভাত ভাষণ প্ৰদান কৰি নিখিল বড়ো ছাত্র সন্থাৰ সভাপতি দ্বীপেন বড়োৱে কয়, বিটিআৰ চুক্তিয়ে কোনো জনগোষ্ঠীৰে ভূমিৰ অধিকাৰ কাঢ়ি নলয় ৷ এই চুক্তিখনে বিটিআৰত বসবাস কৰা সকলো লোককে ভূমিৰ নিৰাপত্তা প্ৰদান কৰাৰ ক্ষেত্ৰতহে কাম কৰিব ৷

তেখেতে আৰু কয় যে, বিটিআৰ নিৰ্বাচনৰ প্ৰাকক্ষনত বিভিন্ন ৰাজনৈতিক দলে বিটিআৰৰ চুক্তিৰ অপব্যাখ্যা কৰি আহিছে । বিটিআৰৰ নিৰ্বাচনৰ পৰৱৰ্তী সময়ত সকলো জনগোষ্ঠীৰ ভূমি অধিকাৰ, সম বিকাশ সম উন্নয়নৰ দায়িত্ব এবছুৰ লগতে ১৬ টা জনগোষ্ঠীয় সংগঠনৰ মুৰব্বীয়ে ল’ব বুলি ৰাইজক আশ্বাস প্ৰদান কৰে ।

লগতে পঢ়ক-নিৰ্বাচনী প্ৰচাৰৰ মাজতে দাহ হিমন্ত বিশ্ব শৰ্মাৰ পুত্তলিকা