স্পৰ্টছ ডেস্ক, ৩০ জুলাই: শুকুৰবাৰে চতুৰ্থখন খেলতো বিজয়ী হ'ল ভাৰতীয় পুৰুষ হকী দল । ভাৰতৰ হাতত পৰাজয় বৰণ কৰিলে জাপানৰ হকী দলে । ৫-৩ গ'লত জাপানক পৰাস্ত কৰে ভাৰতীয় দলটোৱে । চতুৰ্থখন খেলত জয় লাভ কৰি মেগা ইভেণ্টৰ কোৱাৰ্টাৰ ফাইনেলত ভাৰতৰ অংশগ্ৰহণ নিশ্চিত কৰে ভাৰতীয় হকী দলে ।
জাপানে তিনিটা গ'ল দিছিল । কিন্তু ভাৰতীয় খেলুৱৈসকলে নিজৰ জয় নিশ্চিত কৰাৰ দিশত আগবাঢ়ি যাবলৈ সক্ষম হয় । তৃতীয় কোৱাৰ্টাৰ শেষ হোৱাৰ মাত্ৰ দুই মিনিট আগতে, ভাৰতে দ্বিতীয় পেনাল্টি কৰ্ণাৰ লাভ কৰে । দুয়োটা দলৰে আৰম্ভণি সন্তোষজনক আছিল যদিও মনপ্ৰীত সিঙৰ নেতৃত্বত ভাৰতীয় দলটোৱে ১৩ মিনিটত প্ৰথমটো গ'ল দিবলৈ সক্ষম হয় ।