মাদ্ৰিদ অ'পেনৰ ছেমি ফাইনেলত ৰাফেল নাডাল

দীঘলীয়া যুঁজৰ অন্তত কোৱাৰ্টাৰ ফাইনেলত পৰাস্ত ৰজাৰ ফেডেৰৰ

স্পৰ্টছ ডেস্ক,11 মেঃ চলিত মাদ্ৰিদ মাষ্টাৰ্ছ অ'পেন বেডমিন্টন প্ৰতিযোগিতাৰ ছেমি ফাইনেলত প্ৰৱেশ কৰিছে স্পেনিছ টেনিছ তাৰকা ৰাফেল নাডাল। শুকুৰবাৰে অনুষ্ঠিত কোৱাৰ্টাৰ ফাইনেলত ছুইজাৰলেণ্ডৰ ষ্টান ৱাওৰিংকাক 6-1,6-2 ছেটত পৰাস্ত কৰে ৰাফেল নাডালে।

উল্লেখযোগ্য যে,এই জয়েৰে কেৰিয়াৰৰ 1000 সংখ্যক ছেমি ফাইনেলত প্ৰৱেশ কৰিছে ৰাফেল নাডালে ৷ ছেমি ফাইনেলত নাডালৰ প্ৰতিদ্বন্দী হ'ব বিশ্বৰ এক নং বাচনিৰ টেনিছ তাৰকা নভা'ক জক'ভিক ৷

আনহাতে, 2 ঘন্টা 11 মিনিট দীঘলীয়া যুঁজৰ অন্তত কোৱাৰ্টাৰ ফাইনেলত পৰাজয় বৰণ কৰে ৰজাৰ ফেডেৰৰে। অষ্ট্ৰিয়াৰ ডমিনিক থিমৰ বিৰুদ্ধে 3-6,7-6(11),6-4 ছেটত পৰাজয় বৰণ কৰে ফেডেৰৰে।