2021 বৰ্ষৰ অষ্ট্ৰেলিয়ান অ’পেনৰ তাৰিখ ঘোষণা

আগন্তুক বৰ্ষৰ 8 ফেব্ৰুৱাৰীৰ পৰা 21 ফেব্ৰুৱাৰীলৈ অনুষ্ঠিত হ’বলগীয়া দ্যা অষ্ট্ৰেলিয়ান অ’পেনৰ পূৰ্বে মেলবৰ্ণত 1-5 ফেব্ৰুৱাৰীৰ ভিতৰত অষ্ট্ৰেলিয়ান অ’পেনৰ পুৰুষ দলৰ টুৰ্ণামেণ্ট অনুষ্ঠিত হ’ব ৷ ATPৰ প্ৰতিবেদনযোগে প্ৰকাশ পাইছে এই কথা ৷

স্পৰ্টছ ডেস্ক,17 ডিচেম্বৰ : 2021 বৰ্ষৰ 8 ফেব্ৰুৱাৰীৰ পৰা 21 ফেব্ৰুৱাৰীলৈ অনুষ্ঠিত হ’ব দ্যা অষ্ট্ৰেলিয়ান অ’পেন ৷ দ্যা এচ’ছিয়েশ্যন অৱ টেনিছ প্ৰফেশ্বনেলছ চমুকৈ ATPয়ে এক কেলেণ্ডাৰ মুকলি কৰি এই স্পষ্টীকৰণ দিয়ে ৷

পূৰ্বৰ কাৰ্যক্ৰমণিকা অনুসৰি অষ্ট্ৰেলিয়ান অ’পেন 18 জানুৱাৰীৰ পৰা আৰম্ভ হোৱাৰ কথা আছিল যদিও ক’ভিড-19ৰ ভয়াৱহতাৰ লক্ষ্য ৰাখি খেলৰ তাৰিখ পিছুৱাই দিয়া হয় ৷

আগন্তুক বৰ্ষৰ 10-13 জানুৱাৰীলৈকে দোহাত অষ্ট্ৰেলিয়ান অ’পেনত যোগ্যতা অৰ্জন কৰা পুৰুষ শাখাৰ মেচসমূহ অনুষ্ঠিত হ’ব ৷ 14 দিনৰ বাবে মেলবৰ্ণত কোৱাৰেণ্টাইন হোৱাৰ পূৰ্বে এই মেচ অনুষ্ঠিত হ’ব বুলি ATPৰ প্ৰতিবেদনত প্ৰকাশ পাইছে ৷

আনহাতে, অষ্ট্ৰেলিয়ান অ’পেন আৰম্ভ হোৱাৰ পূৰ্বে 1-5 ফেব্ৰুৱাৰীৰ ভিতৰত মেলবৰ্ণত অষ্ট্ৰেলিয়ান অ’পেনৰ পুৰুষ দলৰ টুৰ্ণামেণ্ট অনুষ্ঠিত হ’ব ৷ 2021 বৰ্ষৰ বাবে পুনঃসংৰূপিত এই কেলেণ্ডাৰখনত টেনিছৰ বাবে এক বিশাল সহযোগিতামূলক প্ৰচেষ্টা কৰা হৈছে । ATPৰ অধ্যক্ষ Andrea Gaudenziয়ে এই কথা উল্লেখ কৰে ৷

লগতে তেওঁ কয় যে, আগলৈ মুখামুখি হোৱা প্ৰত্যাহ্বানবোৰৰ সৈতে স্বাস্থ্য আৰু সুৰক্ষা বিভাগ সদায় তেওঁলোকৰ সৈতে থাকিব ৷

লগতে পঢ়ক :আইএচএলৰ আজিৰ খেল উৰিষ্যা এফচি বনাম বাংগালুৰ এফচি