স্প’ৰ্টছ ডেস্ক, 25 আগষ্ট :Asian junior championship ফাইনেলত প্ৰেৱশ তিনি ভাৰতীয় বক্সাৰৰ ৷ যোৱা চাৰিটা ষ্টেজৰ খেলত ধাৰাবাহিক বিজয়ৰ অন্তত championship ৰ চূড়ান্ত প্ৰতিযোগিতাত প্ৰৱেশ কৰিবলৈ সক্ষম হ’ল তিনিওগৰাকী খেলুৱৈ ৷ পুৰুষৰ জুনিয়ৰৰ ফাইনেত 48 কেজি শাখাত ৰোহিত চামোলী, 81 কেজি শাখাত ভৰত জুনৰ প্ৰৱেশৰ সমান্তৰালকৈ মঙলবাৰে নিশাৰ বিজয়েৰে মহিলাৰ 46 কেজি শাখাৰ ফাইনেলত প্ৰৱেশ কৰে মুছকানে ৷
ভৰত জুনে কিৰ্গীস্তানৰ এমিৰ খান ৰজাপোভক 5-0 ৰ ব্যৱধানত পৰাস্ত কৰাৰ বিপৰীতে ৰোহিত চামোলীয়ে কিৰ্গীস্তানৰ আইদাৰ কাদিৰখানক 5-0 ৰ ব্যৱধানত পৰাস্ত কৰে ৷ সমান্তৰালকৈ, মুছকানে কাজাগাস্তানৰ য়েল্যানুৰ তুৰ্গানোভাৰ বিপৰীতে সৰ্বসন্মত বিজয় সাব্যস্ত কৰে ৷
আনহাতে, মহিলাৰ আন কেইখন ছেমি ফাইনেলৰ 66 কেজি শাখাত সুপ্ৰিয়া ৰাৱটে সোণোৱাৰ বোজোৰবয়িভাৰ বিপৰীতে 1-4, আৰজুৱে 54 কেজি শাখাত উজবেকিস্তানৰ গুলদানা তিলেউৱাৰ্গেনৰ বিপৰীতে 2-3, দেৱীকা ঘোৰবড়েই 50 কেজি শাখাত উজবেকিস্তানৰ ছাইনী নেমাটোভিনাৰ বিপৰীতে 0-5 ত পৰাজয় বৰণ কৰে ৷