গুৱাহাটীত খেলো ইণ্ডিয়া যুৱ গেমৰ তৃতীয় সংস্কৰণ

খেলো ইণ্ডিয়া ইয়ুথ গেমছৰ তৃতীয় সংস্কৰণ গুৱাহাটীত অনুষ্ঠিত হ'ব ৷ 2020চনত গুৱহাটীত এই খেল প্ৰতিযোগিতা আয়োজন কৰা হ'ব বুলি প্ৰকাশ কৰিছে ক্ৰীড়ামন্ত্ৰী কিৰেণ ৰিজিজুৱে ৷

স্পৰ্টছ ডেস্ক, 27 জুলাইঃ খেলো ইণ্ডিয়া ইয়ুথ গেমছৰ তৃতীয় সংস্কৰণ অসমৰ গুৱাহাটীত অনুষ্ঠিত হ'ব ৷ 2020 চনৰ জানুৱাৰী মাহৰ 18 তাৰিখৰ পৰা 30 জানুৱাৰীলৈ গুৱাহাটীৰ বিভিন্ন স্থানত অনুষ্ঠিত হোৱাৰ কথা টুইটযোগে প্ৰকাশ কৰিছে খেলমন্ত্ৰী কিৰেণ ৰিজিজুৱে ৷ প্ৰতিযোগিতাখনত 10000 হেজাৰৰো অধিক খেলুৱৈয়ে অংশগ্ৰহণ কৰিব বুলি প্ৰকাশ কৰিছে ক্ৰীড়ামন্ত্ৰীগৰাকীয়ে ৷ উল্লেখ্য যে, ভাৰতীয় যুৱ প্ৰতিভাক এখন ৰাষ্ট্ৰীয় পৰ্যায়ৰ মঞ্চ দিয়াৰ বাবে 2018চনৰ 31 জানুৱাৰীৰ পৰা 31 ফেব্ৰুৱাৰীলৈ নতুন দিল্লীত আয়োজন কৰা হৈছিল খেলো ইণ্ডিয়া ইয়ুথ গেমছৰ প্ৰথমটো সংস্কৰণ ৷ চলিত বৰ্ষৰ 9 জানুৱাৰীৰ পৰা 20 জানুৱাৰীলৈ প্ৰতিযোগিতাখনৰ দ্বিতীয় সংস্কৰণ মহাৰাষ্ট্ৰৰ পুনেত অনুষ্ঠিত হৈ যায় ৷