স্পৰ্টছ ডেস্ক, 11 আগষ্ট : ভাৰতীয় ক্ৰীড়া প্ৰাধিকৰণে (SAI) প্ৰতিজন এথলীটৰ স্বাস্থ্যৰ প্ৰতি লক্ষ্য ৰাখি পেশাদাৰী চিকিৎসক, ৰান্ধনী তথা কেন্টিন মেনেজাৰ নিয়োগ কৰিবৰ বাবে সাজু হৈছে ৷ এই পেশাদাৰী ব্যক্তিসকলক ক্ৰীড়া প্ৰাধিকৰণৰ প্ৰতিটো কেন্দ্ৰতে নিয়োগ কৰা হ'ব ৷ উল্লেখ্য যে, ক্ৰীড়া প্ৰাধিকৰণৰ দিল্লী, পাটিয়ালা, বাংগালুৰু, থিৰুৱনন্থপুৰম, কলিকতা, ভূপাল, গান্ধীনগৰ, লক্ষ্নৌ, ইম্ফল, গুৱাহাটী, মুম্বাই, ছোনেপাট, ঔৰংগবাদ, ৰোহটক আৰু এলেপ্পীত কেন্দ্ৰ আছে ৷
দেশৰ এথলীটৰ বাবে ক্ৰীড়া প্ৰাধিকৰণৰ নতুন পদক্ষেপ
ভাৰতীয় এথলীটৰ স্বাস্থ্যৰ প্ৰতি লক্ষ্য ৰাখি ভাৰতীয় ক্ৰীড়া প্ৰাধিকৰণে (SAI) গ্ৰহণ কৰিছে এক নতুন পদক্ষেপ ৷ এতিয়াৰ পৰা নিয়োগ কৰা হ'ব পেশাদাৰী চিকিৎসক, ৰান্ধনী তথা কেন্টিন মেনেজাৰ ৷
দেশৰ এথলীটৰ বাবে ক্ৰীড়া প্ৰাধিকৰণৰ নতুন পদক্ষেপ
ক্ৰীড়া প্ৰাধিকৰণে ইতিমধ্যেই এই বিষয়বাব কেইটাৰ বাবে আবেদন পত্ৰৰ কথা ঘোষণা কৰিছে আৰু ইচ্ছুক প্ৰাৰ্থীসকলে ছেপ্তেম্বৰৰ 15 তাৰিখৰ ভিতৰত এই আবেদন পত্ৰসমূহ দাখিল কৰিব লাগিব ৷ উল্লেখ্য যে, চিকিৎসক তথা ৰান্ধনী সকলৰ দৰমহা 1 লাখলৈকে হোৱাৰ সম্ভাৱনা আছে ৷
ইয়াৰোপৰি, এই কেন্দ্ৰসমূহত পৰিচালক সকলে হঠাৎ ভ্ৰমণ কৰিব আৰু প্ৰতিদিনে চিকিৎসক সকলে খেলুৱৈসকলৰ পৰ্যালোচনা কৰিব বুলি জানিব পৰা গৈছে ৷