'প্ৰেছিডেন্টছ কাপ'ত স্বৰ্ণ জয় শিৱ থাপাৰ

শিৱ থাপাই কাজাখাস্তানত অনুষ্ঠিত 'প্ৰেছিডেন্টছ কাপ'ত 63 কেজি শাখাত স্বৰ্ণ জয় কৰিছে ৷ বিনা প্ৰতিদ্বন্দিতাৰে ফাইনেলত জয়ী হৈ স্বৰ্ণ জয় কৰে থাপাই ৷

স্পৰ্টছ ডেস্ক, 20 জুলাই : শনিবাৰে ভাৰতীয় বক্সাৰ শিৱ থাপাই কাজাখাস্তানত অনুষ্ঠিত 'প্ৰেছিডেন্টছ কাপ'ত 63 কেজি শাখাত স্বৰ্ণ জয় কৰিবলৈ সক্ষম হৈছে ৷ স্বৰ্ণ জয়ৰ এই যুঁজত শিৱ থাপাই কাজাখাস্তানৰ প্ৰতিদ্বন্দী জাকিৰ ছাফিউল্লিনৰ বিৰুদ্ধে অংশগ্ৰহণ কৰিব লাগিছিল যদিও জাকিৰক আঘাতপ্ৰাপ্ত ঘোষণা কৰা হয় ৷ ইয়াৰ ফলত বিনা প্ৰতিদ্বন্দিতাৰে ফাইনেলত জয়ী হৈ স্বৰ্ণ জয় কৰে থাপাই ৷

উল্লেখ্য যে, 25 বৰ্ষীয় ভাৰতীয় বক্সাৰ গৰাকীয়ে ছেমি ফাইনেলৰ যুঁজত কাজাখাস্তানৰে আৰ্গন কাডিৰিবেকেলুক 4 - 1 ব্যৱধানত পৰাস্ত কৰি ফাইনেললৈ উন্নীত হৈছিল ৷