নিউজ ডেস্ক, 25 মে’:মঙলবাৰে 24 বাৰৰ বাবে মাউণ্ট এভাৰেষ্ট আৰোহণ কৰি স্ব-গৃহলৈ আহিল 49 বছৰীয়া নেপালৰ কামি ৰীতা ৷ শনিবাৰে কাঠমাণ্ডু বিমানবন্দৰত পৰ্বতাৰোহীগৰাকীক শ্বেৰপা জনজাতীয় সংস্কৃতিৰে উষ্ম আদৰণি জনায় বহু অনুৰাগীৰ লগতে পত্নীয়ে ৷
শনিবাৰে বিমানবন্দৰত উপস্থিত হয় পৰ্বতাৰোহীগৰাকীয়ে কয়, তেওঁ বৰ্তমান যথেষ্ট ভাগৰুৱা যাৰ বাবে তেওঁ কিমান সুখী নে কিমান দুখী সেই সন্দৰ্ভত নিজৰ অনুভৱ কাইলৈ দিম বুলি মন্তব্য কৰে কামি ৰীতাই ৷ নেপালৰ ৰাষ্ট্ৰীয় পতাকা উৰুৱাই আদৰণি জনোৱা হয় পৰ্বতাৰোহীগৰাকীক ৷ মঙলবাৰে মাউণ্ট এভাৰেষ্টৰ 8850 মিটাৰৰ উচ্চ শিখৰ আৰোহণ কৰি অভিলেখ ৰচিবলৈ সক্ষম হৈছিল কামি ৰীতাই ৷ ইয়াৰ পূৰ্বে পোন প্ৰথমবাৰৰ বাবে 1994 চনত মাউণ্ট এভাৰেষ্ট আৰোহণ কৰিছিল কামি ৰীতাই ৷