স্পৰ্টছ ডেস্ক, 8 আগষ্ট: অচন্ত শৰৎ কমলে সোমবাৰে কমনৱেলথ গেমছৰ টেবুল টেনিছৰ পুৰুষৰ একক শাখাত স্বৰ্ণ জয় কৰে(Sharath Kamal wins Gold in table tennis mens singles) ৷ ভাৰতৰ তাৰকা খেলুৱৈ শৰৎ কমলে(Indian paddler Sharath Kamal) ইংলেণ্ডৰ লিয়াম পিটচফৰ্ডক 11-13, 11-7, 11-2, 11-6, 11-8 ছেটত পৰাস্ত কৰি প্ৰতিযোগিতাখনৰ খিতাপ দখল কৰে ৷ উল্লেখ্য যে, শৰৎ এইবাৰ কমনৱেলথ গেমছত অপ্ৰতিৰোধ্য আছিল ।
শৰৎ কমলে কমনৱেলথ গেমছৰ ৰাউণ্ড অফ 32 ত অষ্ট্ৰেলিয়াৰ ফিন লুক 4-0 ত পৰাস্ত কৰিছিল । ৰাউণ্ড অফ 16ত, শৰৎ কামালে নাইজেৰিয়াৰ ওলাজিদে ওমোটায়োৰ বিৰুদ্ধে 4-2 ব্যৱধানত জয়লাভ কৰে ৷ ইয়াৰ পাছত তেওঁ কোৱাৰ্টাৰ ফাইনেলত ছিংগাপুৰৰ আইজাক কোৱেক য়ংক 4-0 ব্যৱধানত আৰু ছেমি ফাইনেলত ইংলেণ্ডৰ পল ড্ৰিংকহল 4-2 ব্যৱধানত পৰাস্ত কৰি ফাইনেলত প্ৰৱেশ কৰে ।