মৰিগাঁৱত জিলা ভিত্তিত ভাৰোত্তোলন প্ৰতিযোগিতা

মৰিগাঁৱত জিলা ভিত্তিত পুৰুষ-মহিলাৰ ভাৰোত্তোলন প্ৰতিযোগিতা । মৰিগাঁৱৰ বিধায়ক ৰমাকান্ত দেউৰীয়ে উদ্বোধন কৰা এই প্ৰতিযোগিতাত ৰাজ্যৰ 25খন জিলাৰ 200 জন প্ৰতিযোগীয়ে অংশগ্ৰহণ কৰে ৷

মৰিগাঁও, 25 আগষ্টঃ মৰিগাঁৱত জিলা ভিত্তিত পুৰুষ-মহিলাৰ ভাৰোত্তোলন প্ৰতিযোগিতা অনুষ্ঠিত হয় । মৰিগাঁও জিলা পুথিভঁড়াল প্ৰেক্ষাগৃহত অনুষ্ঠিত এই প্ৰতিযোগিতাখন উদ্ধোধন কৰে বিধায়ক ৰমাকান্ত দেউৰীয়ে । জিলাখনত প্ৰথমবাৰৰবাবে জিলা ভিত্তিত ভাৰোত্তোলন প্ৰতিযোগিতা অনুষ্ঠিত হয় । মৰিগাঁও জিলা সমিতিৰ আমন্ত্ৰণত অনুষ্ঠিত হোৱা এই প্ৰতিযোগিতাত পুৱা পতাকা উত্তোলন কৰে ৰাজ্যিক সমিতি সভাপতি মজনুৰ আলি আৰু জিলা সমিতি সভাপতি অজিত শৰ্মাই ।

আনহাতে দুপৰীয়া ভাগত অনুষ্ঠিত হোৱা প্ৰতিযোগিতাখনি মুকলি কৰে মৰিগাঁও বিধায়ক ৰমাকান্ত দেউৰীয়ে । উদ্ধোধনী সভাত মৰিগাঁও জিলা উপায়ুক্ত ঋতুৰাজ বৰা আৰু জিলা আৰক্ষী অধীক্ষক স্বপ্ননীল ডেকাই খেলুৱৈসকলক উদ্দেশ্যে শুভেচ্ছামূলক বক্তব্য আগবঢ়ায় ।