স্পৰ্টছ ডেস্ক, 10 অক্টোবৰঃ ৰাছিয়াত অনুষ্ঠিত হৈ থকা বিশ্ব বক্সিং চেম্পিয়নশ্বিপৰ ছেমিফাইনেলত প্ৰৱেশ মণিপুৰৰ বক্সাৰ তথা ছয়বাৰৰ বিশ্বচেম্পিয়ন মেৰী কমৰ ৷ বৃহস্পতিবাৰে কোৱাৰ্টাৰ ফাইনেলত কলোম্বিয়াৰ প্ৰতিদ্বন্দী ইংগ্ৰিট ভালেনচিয়াক (Ingirt Valencia) ক 5-0 ব্যৱধানত পৰাস্ত কৰি ছেমিফাইনেলত প্ৰৱেশ কৰিবলৈ সক্ষম হয় মণিপুৰৰ বক্সাৰগৰাকী ৷
বিশ্ব বক্সিং চেম্পিয়নশ্বিপৰ ছেমিফাইনেলত মেৰী কম
কলম্বিয়াৰ প্ৰতিদ্বন্দিক পৰাস্ত কৰি বিশ্ব বক্সিং চেম্পিয়নশ্বিপৰ ছেমিফাইনেলত প্ৰৱেশ ছয়বাৰৰ বিশ্বচেম্পিয়ন মেৰী কমৰ ৷
Mary kom enters semis of the world womens boxing championships beats reigning olympic medalist ingrit valencia
ছেমিফাইনেলত প্ৰৱেশ কৰাৰ লগে-লগে পদক নিশ্চিত হৈছে খেলুৱৈগৰাকীৰ ৷ 51 কিলোগ্ৰামত মেৰী কমৰ বিশ্ব চেম্পিয়নশ্বিপৰ এইটো হৈছে প্ৰথমটো পদক ৷ অৱশ্যে এই শাখাত 2014 চনৰ এছিয়ান গেম্ছত স্বৰ্ণ আৰু 2018 চনৰ এছিয়ান গেম্ছ আৰু 2012 চনৰ লণ্ডন অলিম্পিক গেমছত ব্ৰঞ্জৰ পদক লাভ কৰিছিল মেৰী কমে ৷ এতিয়া কেৱল সপ্তমবাৰৰ বাবে বিশ্ব চেম্পিয়ন হোৱাৰ পৰা দুখোঁজ দূৰত আছে মেৰী কম ৷ বিশ্ব চেম্পিয়নশ্বিপত মেৰী কমৰ এইটো হৈছে অষ্টমটো পদক ৷ মঙলবাৰে থাইলেণ্ডৰ প্ৰতিদ্বন্দী জুাতমাছ জিতপ’ঙ (Jutamas Jitpong) ক পৰাস্ত কৰি কোৱাৰ্টাৰ ফাইনেলত প্ৰৱেশ কৰিছিল ৷