গুৱাহাটী, 9 মাৰ্চ: আগন্তুক জুলাই মাহৰ পৰা অনুষ্ঠিত হ’বলগীয়া 2020 টকিঅ’ অলিম্পিকলৈ যোগ্যতা অৰ্জন কৰিবলৈ সক্ষম হ’ল অসম কন্যা তথা মহিলা বক্সিং খেলুৱৈলাভলীনা বুঢ়াগোহাঁইয়ে ৷
জৰ্ডানৰ আমনত অনুষ্ঠিত হৈ থকা এছিয়ান অচেনিয়েন অলিম্পিক কোৱালিফায়াৰ্ছৰ (Asian zone Olympic qualifiers) 69 কেজি শাখাৰ এখন মেচত লাভলীনাই উজবেকিস্তানৰ মহিলা বক্সিং খেলুৱৈ মেলিয়েভাক পৰাজিত কৰি এছিয়ান অচেনিয়েন অলিম্পিক কোৱালিফায়াৰ্ছৰ ছেমি ফাইনেললৈ অগ্ৰগতি কৰাৰ লগতে জাপানৰ টকিঅ’ চহৰত অনুষ্ঠিত হ'বলগীয়া 2020 অলিম্পিকলৈ যোগ্যতা অর্জন কৰিবলৈ সক্ষম হয় । ৱৰ্ল্ড চেম্পিয়নচিপত দুবাৰকৈ ব্ৰঞ্জৰ পদক লাভ কৰা অসমৰ লাভলীনা বুঢ়াগোহাঁইয়ে দেওবাৰৰ মেচখনত সুন্দৰ প্ৰদৰ্শনেৰে উজবেকিস্তানৰ খেলুৱৈকগৰাকীক 5-0 ব্যৱধানত পৰাস্ত কৰে ।
লাভলীনা বুঢ়াগোহাঁই