স্পৰ্টছ ডেস্ক, 13 জানুৱাৰীঃ গুৱাহাটীত চলি থকা খেল’ ইণ্ডিয়া য়ুথ গেমছ 2020ত অসমলৈ প্ৰথমটো স্বৰ্ণ পদক কঢ়িয়াই আনিলে পূজা বসুমতাৰীয়ে । ছোৱালীৰ 17 বছৰ অনুৰ্ধ্বৰ 57 কেজি শাখাৰ জুড’ খেলত এই পদক লাভ কৰে কাৰ্বি আংলঙৰ পূজাই । ফাইনেলত উত্তৰাখণ্ডৰ প্ৰতিদ্বন্দী স্নেহা চৌহানক 1-0 ব্যৱধানত পৰাস্ত কৰি অসমৰ বাবে প্ৰথমটো স্বৰ্ণ পদক আঁজুৰি আনিবলৈ সক্ষম হয় পূজা বসুমতাৰী । দেওবাৰে গুৱাহাটীৰ চাই চেন্টাৰত অনুষ্ঠিত হৈছিল এই জুড’ প্ৰতিযোগিতাৰ ফাইনেল মেচখন ৷
অসমৰ প্ৰথমটো স্বৰ্ণ অৰ্জন পূজা বসুমতাৰীৰ